شاهين لطيف ، سنڌي ،
سينيئر رڪن
هڪ غزل هڪ تاثر۔۔۔۔۔شاهين سنڌي
جڏهن معاشري ۾ زيادتن جي واڌ جو طوفان ايندو آهي، جڏهن حقن جي لتاڙڪندڙ پنهنجو حق سمجهڻ شروع ڪندا آهن ته اُتي انهن ناانصافين کي ٻجو ڏيڻ لاءِ نندا جو آغاز ٿيندو آهي۔ انهن آغاز ڪندڙن ۾ هڪ شاعر جي ڏات به تڙپندي آهي ۽ ان تڙپ کي هو پنهنجي ڏات وسيلي پڌرو ڪندو آهي۔ اهڙن شاعرن ۾ اسان جي نئين ٽهي جو معروف شاعر اختر پيا (اختر سولنگي ) جو شمار به اچي وڃي ٿو، جيڪو پنهنجي شاعري وسيلي سنڌ سان ٿيندڙ ناانصافين تي تڙپيو آهي۔ اُن جي تڙپ هن جي آيل ۡ” وفائون به ويري“ ڪتاب جي ورقن تي اُڪريل آهي۔ پنهنجي پهرين غزل ۾چوي ٿو :
سراپا سچ چوندي ڇو، اسان واٽون وڃايون ٿا ؟
ڪري ڪا ڳالهه ڪوڙن جي،سگھو ساڃهه سجايون ٿا؟
رهي پت نا رهي ڀل نا ،زمانو گهٽ ڪري ٿو ڇا ؟
وڌي وڌ کان قدم تڏهن ، اڃا اڳتي وڌايون ٿا ۔
رڳو شد مد ته ڳالهين ۾ اُساٽن ۾ اندر اُٻري،
ملي مهلت گهڻو خوش ٿي ، ڏکائي دل ڏکايون ٿا
حياتي روڳ جي بڻجي اِهو به ڪو مهڻو آ
عزت اچڻي وڃڻي آ، ڪمائي زر ڪمايون ٿا
ڪري ارمان ” اختر“ ڪي فنا ٿيندي فنا ٿيندا
سچائي سچ چيو جن ڀي تنين جو تن تپايون ٿا
