ديد ۾ دلبر مون تو کي دل ڏني ؟

[مشتاق احمد مگسي]

​

ديد ۾ دلبر مون تو کي دل ڏني ​

چيز تنهنجي تو کي مون ڪامل ڏني ​

​

سو دليون قربان ڪجن دلدار تان ​

ڇا ٿيو جي مون کڻي هڪ دل ڏني ​

​

دل اڪيلي ڪيئنءَ ڏيان ها دوست کي ​

سوکڙي سر جي به مون شامل ڏني ​

​

درد جي ڪهڙ ي خبر بي درد کي ​

پُڇُ انهئ کان جنهن ڪنهين کي دل ڏني ​

​

آفرين شاباس پهرين وار سان ​

چشم قاتل کي دل بسمل ڏني ​

​

ديد جي دلي مشتاق يار کي ​

سادگي منهنجي ڏسو مون دل ڏني​

 

[سانوڻ خاصخيلي]

درد جي ڪهڙ ي خبر بي درد کي​

پڇ انهئ کان جنهن ڪنهين کي دل ڏني​

مُشتاق احمد مگسي صاحب جي تّخيل ۾ سون ورنيون سٽون۔ بھترين خيال۔ ادب جي سفر کي سلامت رکو۔

 

[سليمان وساڻ]

سو دليون قربان ڪجن دلدار تان ​

ڇا ٿيو جي مون کڻي هڪ دل ڏني ​

​

​

تمام سهڻو غزل، اوهان جا خيال وڻيا، لفظن جي جوڙ به ڪمال جي لڳي۔​

​

دوست هڪ عرض ڪندو هلندس ته فورم تي شيئر ڪرڻ وقت فونٽ ڪوشش ڪري 6 کان مٿي نه رکو، ڇو ته ان سان پريزنٽيشن بهتر ڪانه ٿي لڳي، مون مٿي فونٽ ۽ اسپيس جي ترميم ڪئي آهي، جيڪڏهن بهتر لڳي ته ان قسم سان شيئر ڪندا رهو، جيئن خوبصورتي قائم رهي۔ باقي اوهان جي شاعري ۽ لفظن جي خوبصورتيء جا ته اسين قائل ٿي ويا آهيون۔​

 

[مجيب سنڌي ڪورائي]

سهڻا خيال آهن