مشورو

[جميل احمد]

شيرين طرفان انسان موضوع ۾ توهان جي تحرير کي پسند ڪيو آهي۔
پسند جي اطلاع وقت جملو جيئن مٿي لکيل آهي،تيئن لکيو ويندو آهي،ان کي جيڪڏهن هيٺ ڏنل ٻن طريقن مان ڪنهن به هڪ طريقي سان لکيو وڃي ته بهتر ٿيندو۔
1۔شيرين انسان موضوع ۾ توهان جي تحرير کي پسند ڪيو آهي۔
2۔شيرين طرفان انسان موضوع ۾ توهان جي تحرير کي پسند ڪيو ويو آهي۔

 

[سليمان وساڻ]

گرامر ۽ ٻوليء جي حساب سان اوهان جي ڳالهه سان 100 سيڪڙو سهمت آهيان۔ لک ٿورا جو اوهان دوست هر قدم تي رهنمائي ڪيو ٿا۔ سنڌ سلامت ان ئي گڏيل محنت جو نالو آهي۔

دوست ذيشان رشيد کي عرض ڪبو ته ترجمي واري ٽيبل ۾ ان مخصوص جملي ۾ ترميم ڪن۔

 

[رشيد سمون]

شيرين طرفان انسان موضوع ۾ توهان جي تحرير کي پسند ڪيو آهي۔
پسند جي اطلاع وقت جملو جيئن مٿي لکيل آهي،تيئن لکيو ويندو آهي،ان کي جيڪڏهن هيٺ ڏنل ٻن طريقن مان ڪنهن به هڪ طريقي سان لکيو وڃي ته بهتر ٿيندو۔
1۔شيرين انسان موضوع ۾ توهان جي تحرير کي پسند ڪيو آهي۔
2۔شيرين طرفان انسان موضوع ۾ توهان جي تحرير کي پسند ڪيو ويو آهي۔

ترجمي ڪرڻ وقت مون نه رڳو سنڌي گرامر کي نظر انداز ڪيو آهي پر انگريزي لفاظي ترجمي کي به نظر انداز ڪيو آهي۔۔۔ ترجمي ڪرڻ وقت مون صرف پڙهندڙ کي سامهون رکيو آهي ته هو نه صرف لکيل ڳالهه پڙهي سگهي پر سمجهي به سگهي۔۔۔ ان ڪري ممڪن آهي ته رڳو ان جاءِ تي ئي نه پر گهڻن جاين تي ترجمي ۾ خاميون هجن۔۔۔ ان ڪري درستگين کي وقت تي ڇڏيندي سائين نثارابڙو جي ڳالهه ”وٺ رينگٽ کي“ ئي ورتو ويو آهي۔۔۔
هڪ ٻي ڳالهه ته ترجمي ڪرڻ وقت ان ڳالهه کي سامهون رکيو ويو آهي ته ترجمو ٿيندڙ جملا ڪاٿي ظاهر ٿيندا۔۔ ان ڪري ڪاٿي گهٽ اسپيس ڪري جملي کي مختصر ڪرڻ جي ڪوشش ڪئي وئي آهي ته ڪاٿي وڌيڪ اسپيس ڏسندي جملي کي واضح ڪيو ويو آهي۔۔۔ جيئن ته هي جملو اطلاع مينو ۾ ظاهر ٿئي ٿو ان ڪري ضرورت ان ڳالهه جي آهي ته وڌيڪ واضح ڪرڻ بجاءِ مختصر جملو لکجي۔۔۔ بحرحال توهان جي مشوري نمبر 2 تي عمل ڪيو ويو آهي۔۔۔ ڇو ته پهرين مشوري ۾ رڪن جو نالو موضوع جي عنوان سان گڏجڻ جا خدشا موجود آهن۔۔۔

 

[جميل احمد]

اصل ڳاله آهي سٺو ڪم ڪرڻ مستقل مزاجي سان،جيڪو توهان ڪري رهيا آهيو۔مشورو ڏيڻ ڪنهن ڳاله تي ته سولو ڪم آهي۔اصل ڪم ته وري به توهان ڪندا آهيو۔جيئن ته مثبت مشورن جي توهان همت افزائي ڪندا آهيو،تنهڪري ڪا ڳاله اهڙي نظر ايندي آهي ته پيش ڪندو آهيان۔اها توهان جي مهرباني آهي جو مان ڏيندا آهيو۔