شيرين
سينيئر رڪن
چري کي چوري ويا ڏئي ڏير ڏکڙا،
ويا ويل ڪهڙي ڪاهي ڪيچ اٺڙا۔
(1)
صبح جو اٿي جي ساجهر سويرو،
نڪي ڏير ڏاگها نه ڏٺئين تن جو پيرو،
پئي پنڌ پٺيان تن ڪري پيادي پنڌڙا۔
(2)
جهڪون جهولا گرميون، تپي تيز واري،
پنهون ڪاڻ پيادل وڃي پئي ويچاري،
چڙهيو چوٽ ڏونگر، ڪري ڪيچ سڏڙا۔
(3)
وِنگا ور وڪڙ ۽، ڏونگر کي ڏارون،
جڏي کي جبل ۾ پنهل جون پچارون،
پڇي پئي مِرن کان،گورن جا گسڙا،
(4)
رکي هوت من ۾، آيا ڪا مدائي،
سڙي سان صادق چئي، نه ڪيئون ڪا چڱائي،
لوڙي پئي لَڪَنِ ۾، لکيو ڪرم انگڙا۔
(محمد صادق خاصخيلي)
