سينگار وطن جو

[شيرين]

ٿي خوب وطن واسي وفادار وطن جو،​

سينگهار وطن جو۔​

هر ڪن ۾ ۽ هر دم ٿي آڌار وطن جو،​

سينگهار وطن جو۔​

جنهن کي ٿي وطن پنهنجي سان الفت ۽ محبت،​

سيني ۾ صداقت۔​

هرحال ۾ سو ٿئي ٿو مددگار وطن جو،​

سينگهار وطن جو۔​

رک سر تون تري تي ٿي سدا مرد مجاهد،​

ٿي حضرتِ خالد،​

سالار سپهه جو ٿي عملدار وطن جو،​

سينگهار وطن جو۔​

مخدوم ٿيڻ چاهين ته ڪر قوم جي خدمت،​

رک ديس سان الفت۔​

ٿي خوب وطن دوست ۽ دلدار وطن جو،​

سينگهار وطن جو۔​

هي پاڪ وطن آهي اسان لئي احسن،​

گويا ٿيو گلشن،​

هر ڪو گل ۽ گلشن ٿيو بي خار وطن جو،​

سينگهار وطن جو۔​

(حافظ محمد احسن چنا)​

​