سنڌ ۾ 19 هزار استادن جي ڀرتين لاءِ ٽيسٽون 23 ڊسمبر کان وٺڻ جو اعلان ڪراچي(بيورو رپورٽ) تعليم کاتي جي ترجمان چيو آهي ته 19 هزار استادن جي آسامين لاءِ ٽيسٽون 23 ڊسمبر کان شروع ٿينديون، شيڊيول موجب هاءِ اسڪول ٽيچرس (ايڇ ايس ٽي) جي آسامين لاءِ ٽيسٽ 23 ڊسمبر تي، جڏهن ته جونيئر اسڪول ٽيچرس (جي ايس ٽي) جي آسامين لاءِ ٽيسٽ 29 ۽ 30 ڊسمبر تي منعقد ڪيون وينديون، جڏهن ته پرائمري اسڪول ٽيچرز جي آسامين لاءِ اين ٽي ايس ٽيسٽ جي تجويز ڪيل تاريخ 6 جنوري کان 9 جنوري 2013ع تائين ڏني آهي، ٽيسٽ لاءِ ضلعي ۽ تعلقي جي سطح تي مرڪز قائم ڪيا ويندا.
