ابراهيم حيدري

[معصوم سنڌي]

​

​

​

​

ابراهيم حيدري​

معصوم​

​

​

ابراهيم حيدري کي اوهان هن وقت ڏسندا ته هڪ دم ڀٽائي جي هڪ بيت جي سٽ هردي تي هليو ايندي​

”پسيو بازارون، هينئڙو مون لوڻ ٿئي“​

ابراهيم حيدري ڪراچي شهر جو هڪ قديم بندر آهي، جيڪو ڪلفٽن جي بلڪل ڏکڻ طرف ۽ ڪورنگي تعلقي ۾ آهي . هيءُ ڳوٺ ٻيڙين ۽ لانچن لاءِ ننڍي بندرگاهه طور ڪم ايندو آهي . هتي مڇيءَ کي دَٻن ۾بند ڪرڻ جو ڪارخانو آهي . ان کان سواءِ ڪڪڙين جو کاڌو ، ننڍين مڇين مان تيار ڪيل feed به بڻايو ويندو آهي . ابراهيم حيدري سنڌو درياهه جي ڊيلٽا جي انتهائي اوڀر واري ڇاڙهه ڦِٽي ڪريڪ جي آخري ڇيڙي تي آهي . ڦِٽي ڪريڪ تي پورٽ قاسم آهي ۽ ڀنڀور جا قديم آثار به آهن . ابراهيم حيدريءَ تي ئي مشهور ’ واڳون ڏر ‘ آهي ، جنهن جي مٿان ٽڪريءَ تي واڳون جي قبر به ٺهيل آهي ، جنهن مان گمان ٿئي ٿو ته ڪڏهن هتي ’ واڳون پوڄا ‘ به ٿي هجي ، ابراهيم حيدري پاڪستان جو هڪ وڏو مڇي بندر آهي ، جنهن تي هر وقت سَوَن جي تعداد ۾ هوڙها ۽ ٻيڙا بيٺل نظر اچن ٿا . هتي نه رڳو شڪار ٿيل مڇيءَ جو واپار ٿئي ٿو ، پر هتي هوڙها ٺاهڻ جي صنعت به زنده آهي .​

ابراهيم حيدري جيڪڏهن ڀارت ۾ هجي ها ته ڪڏهوڪه ترقي ڪري چڪو هجي پر جيئن ته ڪراچي تي قابض تعصب پرست ٽولو نه ٿو چاهي ته سنڌين جو هي ننڍڙو بندر گاهه اوج تي رسي. ​

 

[سليمان وساڻ]

تمام سٺي لکڻي ۔۔۔ ابراهيم حيدري ڪراچي جي قديم ترين وسندين مان هڪ آهي۔

معصوم سائين عرض ڪندس ته مٿي موضوع يا عنوان ۾ لاڳاپيل وسندي جو نالو لکو جيئن عنوان مان ئي خبر پوي۔