سنڌ

[شيرين]

منهنجي پوتر سنڌو ماتا!​

توکان گهٽ سڀ رشتا ناتا!​

تنهنجي سونهن گلابن جهڙي،​

ڌرتي پاڪ ڪتابن جهڙي۔​

​

سج به آهين چنڊ به آهين،​

محبت وارو منڊ به آهين۔​

​

رنگ به تو ۾ تو ۾ خوشبو،​

پنهنجائپ جو تو ۾ جادو۔​

​

سپنن جهڙي سندر آهين،​

منهنجي من جو مندر آهين۔​

​

تنهنجي ٻولي منجهه دعا آ​

تنهنجي مٽي منجهه شفا آ​

​

تنهنجا ٻچڙا جاڳيا آهن،​

ساڳيا آهن ڀاڳيا آهڻ۔​

​

تنهنجا هاڻي سورَ نه سهندا،​

گڏ ٿيندا ۽ متحد رهندا۔​

​

آزادي کي آڻيندا هي،​

عارف منزل ماڻيندا هي۔​

​

(خليل عارف سومرو)​

 

[سليمان وساڻ]

آزادي کي آڻيندا هي،
عارف منزل ماڻيندا هي۔


خوبصورت چونڊ