منهنجي ذاتي زندگي ۾ الله پاڪ جي قدرت جي معجزن جا نظارا ڏسڻ ۾ آيا ۽ الله پاڪ جي پنهنجي پياري حبيب مٺي مير مرسل مدني مُحمد صلي الله عليه وسلم جي مٺڙي جي محبت منهنجي سيني منجهه رکي ۽ ان محبت جو به معجزو مون اکين سان ڏٺو ۽ پو مون اهو پنهنجي موبائيل ۾ تصويري ۽ وڊيو جي صورت ۾ محفوظ ڪيم جيڪي مان اوهان دوستن سان ونڊ ڪندس، سڀ کان پهرين اهي تصويرون اوهان کي پيش ڪيان ٿو جيڪي مون جمع نماز ادا ڪندي گلشن حديد جي وڏي جامع مسجد ديار حبيب ۾ ڏٺو، جئين نماز مڪمل ڪري دعا لا هٿ کنيم ته منهنجي نگاهه هيٺ سجدي واري جڳهه تي پئي ، الله اڪبر ڇا ڏسان ته الله جل شانهُ جو پاڪ نالو ماربل واري پٿر تي اوڪريل واضح نظر آيو، اوهان به ديدار ڪيو۔ ۽ ٻيو معجزو پنهنجي آفيس ۾ ويٺل هئم ته نگاهه آسمان طرف وڌم ته ڇا ڏسان ته مٺي مير مرسل مُحمد صلي الله عليه وسلم جي مٺي نالي جو عڪس بادلن (جهُڙ) منجهه واضح محسوس ڪيم، اوهان به ڏسو ۽ شايد تصوير ۾ ڪجهه گهٽ نظر اچي پر ان جي وڊيو ۾ ٿورو واضح نظر ايندو۔
سبحان الله ۔۔۔۔۔ منهنجي نظر ۾ اسلام پنهنجو پاڻ سڀ کان وڏو معجزو آهي۔ اسلام جو سبق، قرآن ۾ بيان ڪيل هدايتون ۽ قرآن جو پيغام سڀ ڪجهه آهي۔ بس ڪو سمجهي ۽ رسول صه جي زندگيء جي پوواري ڪري ۔۔۔۔ ڪاميابي يقيني آهي۔
بيشڪ سائين سليمان صاحب، سڀ کان وڏو معجزو هي آهي ته قرآن پاڪ جيڪو اسان جي هٿن ۾ آهي اهو الله پاڪ جي ذات طرفان اسان انسانن لا خاص هدايت لا موڪليو ويو، جيڪڏهن ان راز جي اونهائي منجهه ويندا سين ته اها ڳالهه سامهون ايندي ته الله جو اهو ڪلام جيڪو خاص پياري فرشتي وسيلي اسان جي پياري نبي صلي الله عليه وسلم تي نازل فرمايائين ۽ ان قرآن پاڪ جي پڙهڻ سان اسان رب تعالي ا جي ذات سان ڪيڏو ويجهو پهچي ٿا وڃون ائين سمجهو ته رب سان هم ڪلام ٿي ٿا وڃون جيئن رب جو ڪلام پڙهون ٿا ۽ پڙهڻ کان پو هه هڪ آيت تي صدق الله (الله جو ڪلام سچو) چئون ٿا ته اها هم ڪلامي ئي آهي، ۽ سائين جڏهن توهان ان پالڻهار جي ذات سان هم ڪلام ٿيندا رهندا ته يقينن توهان اهي منزلون به ماڻيندا جنهنجو وعدو الله پاڪ قرآن پاڪ ۾ ارشاد فرمايو آهي۔ سبحان الله۔
