تماڪ نوشي جون حقيقتون

​

دوستو! جيتوڻيڪ آءُ به سگريٽ پيئندو رهندو آهيان، ڪيترائي ڀيرا ڇڏيا به اٿم ۽ ڪڏهن ڪڏهن ته سال کان به وڌ عرصو ڇڏي ڏيندو آهيان پر وري نڀاڳ کڻندو آهي، جو ڪنهن اثر يا ڪنهن پريشانيءَ جي سبب وري پيئڻ شروع ڪري ڇڏيندو آهيان، پر اڄڪلهه وري ٻيهر سگريٽ ڇڪڻ ڇڏيا اٿم ... هي آرٽيڪل پڙهڻ کانپوءِ، اميد ته هن دفعي ارادو هميشه جو آهي ...!!!
+++++++++++++++++++++
اها هڪ حقيقت آهي ته سگريٽ جي هڪ پاسي کان باهه آهي ته ٻي پاسي کان موت ... جڏهن به سگريٽ دکائيندا آهيون ته پنهنجي صحت، پنهنجي زندگي خطري ۾ وجهڻ سان گڏ پنهنجو پئسو باهه ۾ ساڙيندا آهيون.

ماڻهون سگريٽ ڇو ڇڪيندا آهن؟

ان سوال جو جواب هڪ سٽ ۾ اهو ٿيندو،” ڏيکاءَ ڪيو ۽ ذائقو حاصل ڪيو“ اها هڪ حقيقت آهي ته ماڻهون سگريٽ ان ڪري ڇڪڻ شروع ڪندا آهن ته جيئن سندن ڏيکاوَ ۽ نموني ۾ فرق پوي ۽ جنسي طور ڪشش پئدا ٿئي. پر ان ڏيکاءَ ۾ اهڙو ڦاسجي ٿو جو ڄڻ ماڻهون گچڻ ۾ گچي پوي ٿو ۽ پوءِ ماڻهون نفسياتي ۽ جسماني طور تي سگريٽ تي ڀاڙي ويهي ٿو ڇاڪاڻ ته سگريٽ ۾ موجود نڪوٽين عادت پڪي ڪرڻ جو اهم عنصر آهي.

سگريٽ بابت هڪ ٻي چوڻي ته تماڪ ڇڪڻ سان مردانگي وڌي ٿي. ڇاڪاڻ سگريٽ ٺاهيندڙ ڪمپنيون اهو چونديون رهن ٿيون ته ”جت مردانگي اتي تماڪ“ جڏهن ته حقيقت ۾ تماڪ ڇڪڻ مردانگي گهٽائي يا ختم ڪري ٿو.

هيٺ ڪجهه سگريٽ بابت حقيقتون ڏجن ٿيون

1. سگريٽ يا تماڪ ڇڪڻ واري جي عمر ۾ کوٽ پئدا ٿئي ٿي. جيڪا لڳ ڀڳ 14 سال ٿئي ٿي.
2. سگريٽ پيئڻ جي 10 سيڪنڊن ۾ نڪوٽين جسم جي هر حصي ۾ پهچي وڃي ٿي. خاص ڪري دماغ تائين تمام جلد پهچي ٿي.
3. اهو هڪ خيال آهي ته تماڪ ڇڪڻ سان حاضمو صحي ٿئي ٿو. پر حقيقت ۾ تماڪ ڇڪڻ سان حاضمو وڌيڪ سست ٿئي ٿو، ڇاڪاڻ ته نڪوٽين خون جي دوري کي مادي کان ڦيرائي ٻين عضون ڏانهن وڌائي ٿي. جڏهن ته ان وقت مادي کي رت جي تيز گردش جي ضرورت هجي ٿي.
4. قانوني طور تي تماڪ يا سگريٽ 18 سالن کان گهٽ عمر جي ماڻهن ۾ وڪرو ڪرڻ ڏوهه هوندو آهي ۽ جاپان ۾ ان جي حد 20 سال آهي.
5. تماڪ ۾ ٻيون به ڪجهه شيون ملائجن ٿيون ته جيئن ان ۾ ذائقو يا خوشبو پئدا ڪيو وڃي جيئن، لونگ، نارنگين جو تيل، چاڪليٽ ۽ ٻيون ڪئي شيون ... وغيره
6. يوريا ... جيڪا پيشاب مان ڪڍي سگريٽ جي ذائقي ۽ خوشبوءَ لاءِ استعمال ٿئي ٿي.
7. آمريڪا جي ڪمپنين ۾ ٺهندڙ سگريٽن جي کپت آمريڪا کان ٻين ملڪن ۽ قومن ۾ گهڻي آهي،
8. دنيا جي مارڪيٽ ۾ 70 فيصد آمريڪا جا سگريٽ جهڙوڪ؛ مارلبورو، ڪئمل، ڪينٽ يا ڪول کپجن ٿا.
9. دنيا جي ملڪن ۾ 25 فيصد سگريٽ غير قانون اسمگلنگ ڪيا وڃن ٿا.
10. سگريٽ جي صنعت سالانه 400 بلين ڊالرن جو واپار ڪري ٿي، جيڪو دنيا ۾ ٻين سڀني شين کان وڌيڪ آهي.
صحت بابت هڪ انٽرنيٽ سائيٽ http://researchonmedical.com/ تان کنيل مواد

 

لائڀاتو ونڊ آهي ۔
پر هڪ ڳاله ته مان ان نعمت کان محروم آهيان ، واحد سگريٽ ئي ته آهي جيڪو انسان لاءِ سڙي ٿو ۽ ايترو ته سڙي ٿو جو خاڪ ٿي وڃي ٿو۔ سگريٽ جي ان عمل جو مون جهڙي بدذوق وٽ ڪو قدر نه آهي۔

 

ههههههههههههههههههههههه ۔۔۔۔۔۔ اصل ساڙي ڇڏيي ۔۔۔۔ بابلا ائين ته نه ڪر ۔۔۔۔ ڪيترائي دوست موالا هوندا ۔۔۔۔۔ اسين پاڻ ست ڪوئا کائي حج تي هليا آهيون ۔۔۔۔۔

 

سائين توهان ته سگريٽ جي متعلق ڪافي معلومات ونڊي آهي اميد ته گهڻا دوست جيڪي شوقيه پيئڻ جا عادي هوندا سي فوري ان نا مناسب عادت کي ڇڏي ڏيندا هڪ دوست حڪيم هو اهو به سگريٽ گهڻا ڇڪيندو هو هڪ ڏينهن مون ان کي عرض ڪيو ته يار حڪيم ۽ ڊاڪٽر ته ٻين کي ان کان روڪيندا آهن توهان پاڻ ايترا سگريٽ ڇوٿا پيئو چوڻ لڳو بس عادت کان مجبور آهيان سائين عبدالحفيظ وانگر مون سميت انهن دوستن کي جيڪي سگريٽ جا عادي نه آهن سگريٽ پيئندڙ ڏاڍو پريشان ڪندا آهن خاص ڪري سفر ۾ ماڻهو ڪاڏي وڃي هو پاڻ ته نقصانڪا مادو پنهنجي پيٽ ۾ پهچائين پيا ليڪن آسي پاسي وارو جيڪو نه چاهيندي به اهو زهريلو مادو دونهين ذريعي ان جي اندر به وڃي رهيو آهي يعني انڊائريڪٽ سموڪر ٿيو پوي۔ اڪثر وري ائين ڏٺو ويو آهي ته ائين همراه خاموش بيٺو هوندو جڏهن گاڏي ۾ سوار ٿيندو ته هڪدم سگريٽ دکائي ڪش هڻڻ شروع ڪندو۔ خدا را جيڪڏهن توهان کي سگريٽ پيئڻو ئي آهي ته اڳ ۾ پي وٺو يا سفر دوران کڻي ٿوري تڪليف برداشت ڪيو سفر پورو ٿئي پوء ڀلي پنهنجي هير پوري ڪيو۔ وري جيڪڏهن ڪنهن کي روڪڻ لاء عرض ڪجي ته جواب اهو ملندو ته ميان اهڙو آهين ته پنهنجي الڳ گاڏي ڪري پوء سفر ڪندو ڪر۔
ٻاهرين ملڪن ۾ ته ائين نه آهي دوحا ايئر پورٽ تي هئاسين ته هڪ شيشي جو ڪمرو هو جنهن تي لکيو پيو هو غرفة الدخان يعني سگريٽ پيئڻ جو ڪمرو پوء اگر ڪنهن کي سگريٽ پيئڻو هو ته ان ڪمري ۾ اندر وڃي پئي پيو ٻئي ڪنهن کي پريشان ڪونه پيو ڪري۔

 

​

 

بچجو اهڙي عذاب کان۔

 

هائلائيٽ ٿيل پوائنٽ ئي سگريٽ جي عادين کي شايد سگريٽ مان نجات ڏياري۔

 

موزون ۽ وقتائتو اهڙا ئي ليک ڄاڻ ۾ اضافو ڪن ٿا۔