ساروڻيون

[سهڻي پارس]

ساروڻيون​

ڪا سار ،ڪا ياد،​

ڪا ڳالھـ ڪجھ بـ نـ رھيو،​

ھوءَ مون کان،​

منھنجو سڀ ڪجھ وٺي وئي،​

ھوءَ مون کي اڻپورو ڇڏي وئي،​

ھوءَ منھنجين اکين ۾،​

لڙڪ جيان ڄمي وئي،​

ٿڌ جي احساس جيان اندر ۾​

جذب ٿي وئي،​

احساس۽ ڳالھيون اڻپوريون​

ڪري وئي،​

مان ھن کي پڪاريان ٿي،​

آسمان ڏانھن نھاريان ٿي،​

ڏور جيڪو آسمان ۾ چنڊ آ،​

۽ ان جي ڀڪ ۾ھڪ چمڪندڙ​

سڀن کان نمايان ھڪ تارو آھي،​

تنھن ڏي روز نھاريان ٿي،​

۽​

ان ۾‌پنھنجوپاڻ کي ڳولھيان ٿي،​

لوچيان ٿي،​

سوچيان ٿي​

ھوءَ منھنجو ئي لکيل ڪو​

نامڪمل نظم بڻجي وئي،​

منھنجي ئي چيل ڪنھن غزل​

جو اڌورو ساز بڻجي وئي،​

ھوءَ ھڪ خواب بڻجي وئي،​

ھڪ ياد بڻجي وئي،​

ھڪ درد بڻجي وئي،​

منھنجا ٽٽل ساھ بڻجي وئي،​

ھوءَ مونکي ڇڏي وئي،​

ھوءَ مون کي ڇڏي وئي..............​

​

 

[سليمان وساڻ]

اوهان جا بهترين خيال ۔۔۔۔

هڪ عرض ڪندس ته عنوان ۾ شاعريء بجاء پنهنجي شاعريء جي ڪا سهڻي سٽ يا شاعريء جو عنوان شامل ڪيو۔

ٻيو عرض ته شاعريء کي ڪتاب گهر بجاء سنڌي شاعري واري سيڪشن ۾ پوسٽ ڪيو ته مهربانيون ٿينديون۔

اوهان جي موڪليل شاعري ڪتاب گهر بجاء شاعري ڪارنر ۾ منتقل ڪجي ٿي۔

 

[سهڻي پارس]

اوهان جا بهترين خيال ۔۔۔۔

هڪ عرض ڪندس ته عنوان ۾ شاعريء بجاء پنهنجي شاعريء جي ڪا سهڻي سٽ يا شاعريء جو عنوان شامل ڪيو۔

ٻيو عرض ته شاعريء کي ڪتاب گهر بجاء سنڌي شاعري واري سيڪشن ۾ پوسٽ ڪيو ته مهربانيون ٿينديون۔

اوهان جي موڪليل شاعري ڪتاب گهر بجاء شاعري ڪارنر ۾ منتقل ڪجي ٿي۔

مهرباني ادا لکڻيون پسند ڪرڻ جي۔۽ مان توهان جي ڳاله تي ضرور عمل ڪندس۔خوش رهو