شيرين
سينيئر رڪن
چيو شبير دين حق، تان سر گهورڻا پوندا،
جي دشمن دين جا آهن سي سڀئي جهورڻا پوندا.
اسان کي سخت امتحان لئه منتّب حق ڪيو،
خدا جي راهه ۾ ڏونگر ڏکن جا ڏورڻا پوندا.
چيو شهداءِ دين حق حيات و موت کي پنهنجي،
تارازي ۾ اسان جا ڪارناما تورڻا پوندا.
چيو اهل حرم کي لائي شهه سيني سان قاسم کي،
سڳا شادي جا هن جي اڄ اسان کي سورڻا پوندا.
چيو اصغر کي جهولي ۾ شهه دين فوج اعدا لئي،
اي منهنجا لعل پاڻي لئي توکي چپ چورڻا پوندا.
وئين مونکي ڇڏي تنها ابافشت مصيبت ۾،
يتيمي بيڪسي جا حال ڪنهن سان اورڻا پوندا.
شهيد ڪربلا جي حڪم تي ڪاظم عمل سان ئي،
يزيد محل جا ديوار ۽ در ڀورڻا پوندا.
(مرزا ڪاظم رضا بيگ)
