هڪ دفعي مون هڪ خواب ڏٺو.... خواب ۾ مون هڪ فرشتي کي ڏٺو... کيس مون چيو ته “ڇا توهان وٽ ڪجهه وقت آهي...؟ مان دراصل سنڌ سلامت لاءِ توهان کان انٽرويو ڪرڻ گهران ٿو...” فرشتي مسڪرايو ۽ جواب ڏنو ... “مون وٽ وقت تنهنجي سوال جي نوعيت تي آهي.... تنهنجي ذهن ۾ ڪهڙو سوال آهي... ؟” مون پڇيو.... “توهان کي انسانذات ۾ ڪهڙي حيران ڪن ڳالهه لڳي...؟” فرشتي جواب ڏنو... “هو ٻالڪپڻ مان تنگ ٿيندا آهن ۽ جلد وڏو ٿيڻ چاهيندا آهن.... ۽ بعد ۾ ٻيهر ٻالڪپڻ ڏانهن موٽڻ گهرندا آهن....” “هو دولت گڏ ڪرڻ لاءِ پنهنجي صحت وڃائي ڇڏيندا آهن.... ۽ وري ساڳي صحت کي حاصل ڪرڻ لاءِ دولت وڃائيندا آهن....” “هو مستقبل بابت تمام گهڻو فڪرمند هوندا آهن .... ايسيتائين جو پنهنجو حال به وساري ويهندا آهن.... اهڙي طرح هو نه حال ۾ رهي سگهندا آهن ۽ نه وري مستقبل ۾ .... ” “هو اهڙي طرح رهندا آهن جهڙوڪ انهن کي مرڻو ئي نه آهي .... ۽ وري مرڻ کان پوءِ ائين لڳندو آهي جهڙوڪ دنيا ۾ رهيا ئي نه هجن....” اچانڪ زور زور سان سجاڳي جو گهنڊ وڳو ۽ مان ڇرڪ ڀري اٿي پيم... مون پنهنجيون اکيون کوليون۔۔۔۔ الارم کي بند ڪيم ۽ گهڙي پل لاءِ گهري سوچ ۾ گم ٿي ويم....
ادا رشيد اهو ته ٻڌاءِ اهو فرشتو ڪير هو؟ جو اوهانجي ننڊ ۾ اچي اهڙيون سهڻيون سهڻيون ڳالهيون ڪري ٿو وڃي، يار جي ٻي دفعي اچي ته کيس مونڏانهن موڪلجو، مونکي به ڪئي سوال ڪرڻا آهن ... ڪجه سال اڳ مون وٽ به آيو هو پر سوالن جا جواب ڏيڻ بنهه ئي هليو ويو هو ... شايد مون وارا سوال به ڪجه اهڙا ئي هئا جي کائنس اوهان ڪيا .... باقي ادا رشيد يار سچ پڇين ته فرشتي به چيو سچ آهي ... هاڻ ته ننڍپڻ جي ڏاڍي سڪ لڳي آهي ... ڪالهه کان الائي جو ڇو اهو جگجيت وارو گانو ٻڌڻ تي هر هر دل پئي هرکي ... يه دولت ڀي لي لو، يه شهرت ڀي لي لو ڀلي ڇين لو مجهه سي ميري جواني مگر مجهه ڪو لوٽا دو، بچپن ڪا ساون وه ڪاغذ ڪي ڪشتي، وه بارش ڪا پاني ... shal judy hujeen
يار رشيد قسم سان سڀ پڙهيم ۔۔۔۔۔۔۔۔۔۔۔۔ پنهنجي سڀ کان ننڍي پُٽ ڪاشيءَ کي پڙهائڻ جي ڪوشش ڪيم ته ڪجهه سمجهي پر ڪاشيءَ جون نظرون تو واري مٿي ڏنل نچندڙ گهڙيال ۾ هُيون هروڀرون ضد ڪريو بيٺو آهي ته اهو هيڊو گهڙيال هر صورت ۾ کپي۔۔۔۔۔۔۔۔۔۔۔
جواب: هڪ فرشتي کان انٽرويو... (سجاڳي جو الارم) ادا رشِد بس يار ڪهڙآ ٿو انسان جا حال پڇين بابا هن دنيا جون رنگينيون ڏسي ڪر رب العالمين جا احسان ته ڇا پر پهنجي ڪريم رب کي ئي ڀلائي ڇڏيندو آهي ان ڪري ئي الله پاڪ جو ارشاد ٿيو ته يا ايها الانسان ما غرڪ بربڪ الڪريم اي انسان اها ڪهڙي شي آهي جنهن توڪان تهنجو ڪريم رب ڀلائي ڇڏيو آهي ڪنهن مقصد لاء مون توکي پيدا ڪيو هو ۔ ماخلقت الجن والانس الا ليعبدون کي وساري ڇيڏو اٿائين صرف دنيا جي محبت جي خاطر ۔۔ اها دنيا جنهن کي هتي ئي ڇڏي ويندو صرف هن دنيا مان انسان کي ڪفن ئي نصيب ٿيندو ۔۔۔ الله اڪبر ادا تمام پياريون ۽ نصيحت ڀريون ڳالهون شيئر ڪرڻ جي مهرباني
جواب: هڪ فرشتي کان انٽرويو... (سجاڳي جو الارم) خواب نه پر هي ته انسان لاء “تنبيه” آهي ته اي انسان دنيا جي سامان کي ڇڏ ۽ آخرت لاء تياري ڪر۔ الله تعالى اوهان کي بهترين جزا ڏي۔ ادا تمام سبق آموز ونڊ ڪئي اٿئو۔
