1635 اٽيچمينٽ ڏسو مختلف نيوز چينلس تي اها خبر هلي آهي ته برازيل جي هڪ جيل ۾ هڪ سفيد رنگ جي ٻليء کي گرفتار ڪيو ويو آهي۔ ان ٻليء تي اهي الزام آهن ته کيس جاسوسي ۽ تخريبڪاريء لاء استعمال ڪيو پئي ويو۔ ٻليء جي جسم سان جاسوسي جا اوزار، موبائل فون ۽ کوٽائيء جا اوزار پڻ ٻڌل هئا۔ برازيل جي رياست الوگواس جي شهر اراپيرا ۾ واقع جيل جي مک دروازي تان گرفتار ڪيل ان ٻليء بابت جيل جو ترجمان چوي ٿو ته ان ٻليء وٽان جيڪي شيون هٿ آيون آهن اهي ڪاٺ ۽ لوهه ڪٽڻ سان گڏ جاسوسي ۾ به ڪم اينديون آهن۔ هن جو چوڻ آهي ته جيل ۾ 263 قيدي آهن ۽ ڪير ٻلي کي استعمال ڪري رهيو هو اهو ته ٻلي ئي ٻڌائي سگهي ٿي پر هوء ڳالهائي نه ٿي سگهي۔ ٻليء کي جانورن جي نگهداشت جي مرڪز ۾ رکيو ويو آهي۔ ياد رهي ته پراڻي زماني ۾ ڪبوتر يا ٻين جانورن کي به ان مقصد لاء استعمال ڪيو ويندو هو پر جديد دور ۾ هي نئون واقعو ٿيو آهي۔
