اڄوڪو ڏينهن 8 جنوري تاريخ جي دري مان

[سليمان وساڻ]

اڄوڪي ڏينهن 8 جنوري تي جنم وٺندڙ ۽ وڇڙندڙ معروف شخصيتون

جنم ڏينهن:

8 جنوري 1927ع ليکڪ ۽ شاعر اختر مورائي جي پيدائش ٿي.
8 جنوري 1934ع شاعر محبوب سروري جي پيدائش ٿي.
8 جنوري 1937ع اديب شاعر، مترجم ۽ عالم دين محمد پريل بيدار مڱريو جو جنم ڏينهن آهي.
8 جنوري 1938ع ٺٽي سان تعلق رکندڙ سياستدان بابو غلام حسين جو جنم ڏينهن آهي.
8 جنوري 1941ع مشھور گلوڪار جگجيت سنگهہ جو جنم ڏينهن آهي.
8 جنوري 1942ع نامياري سائنسدان اسٽيفن ھاڪنگ جو جنم ڏينهن آهي.
8 جنوري 1952ع اداڪار سورج جسوجا (بمبئي) جو جنم ڏينهن آهي.
8 جنوري 1952ع شاعر حسين بخش منزل جو جنم ڏينهن آهي.
8 جنوري 1956ع شاعر آرزو علي محمد جو جنم ڏينهن آهي.
8 جنوري 1956ع اداڪار، ليکڪ ۽ ناٽڪ نگار سنيل سندر سنگهہ آڏواڻي جو بمبئي ۾ جنم ٿيو.
8 جنوري 1967ع ليکڪ ابنِ محزون جو جنم ڏينهن آهي.
8 جنوري 1969ع صحافي عبدالعزيز بوزدار (رتوديرو) جو جنم ڏينهن آهي.
8 جنوري 1972ع سکر سان تعلق رکندڙ شاعر اسد عباسي جو جنم ڏينهن آهي.
8 جنوري 1973ع خيرپور سان تعلق رکندڙ سياسي اڳواڻ نواب علي وساڻ جو جنم ڏينهن آهي.
8 جنوري 1975ع ميهڙ سان تعلق رکندڙ شاعر وقار سيال جو جنم ڏينهن آهي.
8 جنوري 1984ع ناليواري فنڪار آصف علي چارڻ جو جنم ڏينھن آھي.
8 جنوري 1990ع شاعر ۽ نثر نويس مھر عبيد اصل نالو عبيدالله ولد منظور احمد مھر، جيئو مھر تعلقي لکي ضلعي شڪارپور ۾ جنم ورتو.

وڇوڙو:

8 جنوري 1324ع مهمجو مارڪو پولو جي اٽلي جي شهر وينس ۾ وفات ٿي.
8 جنوري 1642ع مشھور رياضيدان، سائنسدان ۽ فلڪيات جي ماھر گليلو گليلي جي وفات ٿي.
8 جنوري 1941ع اسڪائوٽ تحريڪ جو باني لارڊ بيڊن پاول آفريڪا ۾ انتقال ڪري ويو.
8 جنوري 1953ع سنڌي غزل جو خوبصورت شاعر نواب گل محمد خان زيب مگسي وفات ڪئي.
8 جنوري 1976ع ڪميونسٽ اڳواڻ ۽ چين جو اڳوڻو وزيراعظم ڇو اين لائي انتقال ڪري ويو.
8 جنوري 1978ع ممتاز صحافي حافظ محمد اسلم جو وڇوڙو ٿيو.
8 جنوري 1978ع مشھور صحافي زبير صديقيءَ جو لاڏاڻو ٿيو.
8 جنوري 1993ع سابق آرمي چيف آصف نواز جنجوعہ دل جي دوري سبب انتقال ڪري ويو.
8 جنوري 2013ع ناليوارو اديب ۽ محقق خورشيد قائمخاني لاڏاڻو ڪري ويو.
8 جنوري 2017ع ايران جو اڳوڻو صدر ھاشمي رفسنجاني لاڏاڻو ڪري ويو.
8 جنوري 2019ع ناليوارو اديب ۽ شاعر مير محمد پيرزادو انتقال ڪري ويو.

واقعا:

8 جنوري 1877ع علي ڳڙھ ڪاليج جو افتتاح ٿيو.
8 جنوري 1926ع عبدالعزيز ابن سعود حجاز جو بادشاھ بڻيو ۽ حجاز جو نالو سعودي عرب رکيو ويو.
8 جنوري 1989ع برطانوي جھازن جي ٽڪرائجڻ سبب 47 ماڻھو مارجي ويا.
8 جنوري 1996ع زائر جي شھر ڪنشاسا جي بازار ۾ ۾ ڪارگو جھاز ڪرڻ سبب 223 ماڻھو مارجي ويا.
8 جنوري 2020ع يوڪريني ايئرلائين جو جھاز تھران ايئرپورٽ تان اٿڻ بعد ڪري تباھ ٿيو جنھن ۾ 176 ماڻھو اجل جو شڪار ٿي ويا.

حوالا:

ڊاڪٽر در محمد پٺاڻ
روزانہ ڪاوش
انسائيڪلوپيڊيا سنڌيانا
وڪيپيڊيا
سنڌ سلامت ڊاٽ ڪام

 

[سليمان وساڻ]

ڌرتي ڌڪاڻن جي درد کي زبان ڏيندڙ خورشيد قائم خاني وڇڙي ويو​

خانا بدوش قبيلن تي ڊگهي عرصي کان کوجنا ڪندڙ محقق ڪراچي اسپتال ۾ دم ڏنو​

​

سنڌ جي ڌرتي ڌڪاڻن ۽ خانا بدوش قبيلن تي ڊگهي عرصي کان کوجنا ڪندڙ ۽ 22 ڪتابن جو خالق نالي وارو اديب ۽ محقق خورشيد قائم خاني هميشه لاءِ وڇڙي ويو، خورشيد قائم خاني ٻن مهينن کان بيمار هو، کيس وڌيڪ تڪليف سبب پهرين جنوري تي ڪراچي جي الشفا اسپتال ۾ داخل ڪيو ويو، جتي گذريل ڏينهن لاڏاڻو ڪري ويو، سنڌ جي گهڻ رخي اديب ۽ محقق خورشيد قائم خاني جو مڙهه ٽنڊي الهيار نيو ويو، جتي اڄ آخري رسمون ادا ڪيون وينديون نالي وارو محقق، اديب ۽ ڪالم نگار خورشيد قائم خاني 1933ع ڌاري ڀارتي راجسٿان جي هڪ ڳوٺ ۾ ڄائو، پيءُ انگريز آرمي ۾ سپاهي هو، 1946ع ۾ ماڌو سنگهه اسڪول ۾ پرائمري تعليم حاصل ڪيائين، ننڍي کنڊ جي ورهاڱي بعد هن جا وڏا سنڌ جي ٽنڊي الهيار شهر ۾ لڏي آيا، 1948ع ۾ ميونسپل اسڪول ٽنڊي الهيار مان مڊل ۽ 1951ع ۾ نور محمد هاءِ اسڪول مان ميٽرڪ ڪيائين، انٽر ڪاري موري ڪاليج حيدرآباد ۽ گريجوئيشن ملٽري اڪيڊمي ڪاڪول مان ڪيائين، فوج ۾ ميجر جي عهدي تي هو، ذوالفقار علي ڀٽي جي دور ۾ بنگالين جي نسل ڪُشي تي احتجاجن تڏهوڪي جنرل اي ڪي نيازي کي استعيفا پيش ڪري ٽنڊي الهيار موٽي آيو، خورشيد قائمخاني لکڻ جي ابتدا انگريزي اخبار اسٽار ۾ ”راما پير“ تي ڪالم لکي ڪئي، هن 22 ڪتاب لکيا، جن مان ڪجهه ترجمو پڻ آهن. انهن ۾ سپيان اور پٿر، ڀٽڪتي نسلين، سپنون ڪا ديس، رني ڪوٽ ڪا قلعه، ڍول مارو، ماروي ڪي دنيا ۽ ٻيا شامل آهن، هن خديجه گوهر جي ڪتاب ”اميدون ڪي فصل“ جو ترجمو پڻ ڪيو.

 

[سليمان وساڻ]

8 جنوري 1926ع تي عبدالعزيز بن سعود حجاز جو بادشاهه بڻيو ۽ حجاز جو نالو تبديل ڪري سعودي عرب رکيو ويو۔

 

[ممتاز علي وگهيو]

سائين در محمد صاحب ۽ سليمان وساڻ صاحب جي هي محنت به قابل تعريف آهي، در محمد صاحب اسان جي سنڌي ٻولي جو هڪ بهترين جاکوڙي عالم اديب آهي، جنهن جي سوانح تي ته اسان جو دوست محترم سليمان وساڻ صاحب ڪم ڪري چڪو آهي، جيڪا هيٺ پيش ڪجي ٿي،​

ڊاڪٽر در محمد پٺاڻ سنڌ جي هڪ علمي، ادبي شخصيت۔محمد سليمان وساڻ​

سنڌ جي ناليواري، ليکڪ، محقق، تاريخدان، شاعر، ڪهاڻيڪار، ڊرامه نگار، مترجم، ڪالم نگار ۽ تعليمدان ڊاڪٽر در محمد پٺاڻ کي سندس جنم ڏينهن تي واڌايون پيش ڪجن ٿيون.

ڊاڪٽر در محمد پٺاڻ جو جنم 25 مئي 1945 ع تي خير محمد آريجا تعلقو ڏوڪري ضلعي لاڙڪاڻي ۾ ٿيو۔ پاڻ 1971 ۾ بي ايڊ، 1972 ۾ ايم اي سنڌي ادب ۾، ۽ 1979ع ۾ سنڌ يونيورسٽي مان ”ڪراچي جو سنڌي ٻولي ۽ علم ادب جي ترقيءَ ۾ حصو “ جي عنوان تي اپي ايڇ ڊي جي ڊگري حاصل ڪئي۔۔۔۔۔۔۔۔۔۔۔۔۔۔۔۔۔۔ وڌيڪ تفصيل پڙهڻ لاء هت ڪلڪ ڪندا۔