وهم ۽ وسوسن جو نفسياتي اثر اها هڪ عام ڳالهه آهي انسان کي جنهن شيءِ يا ڳالهه ۾ شڪ هجي ٿو ته هن کي ان جي باري ۾ ڪافي وهم ۽ وسوسا اچن ٿا ۽ هو ان ڳالهه کي سوچڻ شروع ڪري ڇڏي ٿو پر تمام گهڻو شڪ، وهم ۽ وسوسا به صحت لاءِ صحيح ڪونه آهن، اهي وهم شڪ يا وسوسا جن جو ڪو سبب ظاهر نه ٿئي ۽ هر وقت انسان کي پريشان ۽ بيزار ڪن ، هو معاشري ۾ Survive ڪرڻ ۾ مشڪل محسوس ڪري ۽ هو هر وقت انهن وسوسن جي باري ۾ سوچيندو رهي پوءِ اداس غمگين پريشان رهڻ شروع ڪري ڇڏي، بيچيني ۽ خوف جي حالت ۾ رهڻ لڳي ۽ پنهنجي انهيءَ حالت کي پاڻ ڪنٽرول ڪرڻ جي لائق نه سمجهي ته اها نفسياتي بيماري آهي اها نفسياتي بيماري جنهن ۾هر وقت انسان کي نه چاهيندڙ سوچ، خيال، منظر، مشوره ذهن ۾ بار بار اچن ۽ هو انسان انهن خيالن منظرن کي روڪي نه سگهي يا وساري نه سگهي ۽ اهو انسان بيزار ڪندڙ سوچن خيالن وهمن ۽ وسوسن جي ڪري ننڊ يا آرام به نه ڪري سگهي ۽ ان ۾ خوف پريشاني جي حالت پيدا ٿي وڃي ته ان کي (Obsessions) چيو وڃي ٿو ۽ جيڪڏهن انهيءَ ماڻهو ۾ انهن سوچن، خيالن، وهمن ۽ وسوسن جي مطابق رد عمل بار بار ڪرڻ جي عادت ٿي وڃي يعني انهيءَ کي هر وقت ڪا ڳالهه بار بار ذهن ۾ اچي ۽ هو انهيءَ ڳالهه تي اهڙو رد عمل ڪندو رهي ۽ اهو محسوس ڪري ته جيڪڏهن هو پنهنجي ذهن ۾ بار بار ايندڙ خيالن ڳالهين، وهمن ۽ وسوسن جي مطابق ڪم نه ڪندو ته هو وڌيڪ پريشاني الجهن ۾ اچي ويندو ته انهيءَ بار بار ڪنهن ڳالهه جي رد عمل ڪرڻ حالت کي Compulsions چيو وڃي ٿو ۽ انهيءَ وهمن ۽ وسوسن جي بيماري کي (Obsessive Compulsive Disorder) چيو وڃي ٿو، مثال طور مريض کي بار بار اهو خيال ڳالهه ذهن ۾ اچي ته هن گهر جا سمورا دروازا بند نه ڪيا آهن ۽ هو بار بار اٿي دروازا بند ڪرڻ شروع ڪري ۽ بار بار دروازا جانچڻ شروع ڪري ۽ بار بار جي خيالن جي ڪري بيزار بيچين رهي ٿو، هن بيماري جو علاج نفسياتي ڪلينڪ ۾ ڪيو وڃي ٿو ۽ انهيءَ بيماري لاءِ مختلف Medicine به موجود هجن ٿيون ان کان علاوه انهيءَ بيماري کي نفسياتي ڪائنونسلنگ ذريعي به گهٽ ڪرڻ ممڪن آهي
