آمر نه ٻوليون ٻي ڪا ٻولي

[معصوم سنڌي]

آمر نه ٻوليون ٻي ڪا ٻولي​

استاد بخاري​

جَلَ ٿَلَ جھولي، ڏونگر ڏولي،
او لوءِ لوئان لولي!
آمر نه ٻوليون ٻي ڪا ٻولي.
منڇر، ڪينجھر سنڌو، ساگر،
گج گج لهرون، ڇم ڇم ڇولي.
او لوءِ لوئان لولي!
آمر نه ٻوليون ٻي ڪا ٻولي.
پَٽَ جو پَٽڪو، پَٽَ جي پوتي،
ڍَٽَ جو ڍولو، ڍٽ جي ڍولي،
او لوءِ لوئان لولي!
آمِر نه ٻوليون ٻي ڪا ٻولي.
شهر وارن سيني سانڍي،
ڳوٺن ۾ ڳڻوانن ھولي،
او لوءِ لوئان لولي!
آمِر نه ٻوليون ٻي ڪا ٻولي.
پنهنجي ٻولي، ٻول بخاري،
سُهڻي سُرهي سچي سولي،
او لوءِ لوئان لولي!

 

[نثارابڙو]

حب الوطني ۽ ثقافتي اهڃاڻن سان ڀريل گيت ۔۔۔ ونڊ ڪرڻ جا ٿورا

 

[سليمان وساڻ]

پنهنجي ٻولي، ٻول بخاري،
سُهڻي سُرهي سچي سولي،
او لوءِ لوئان لولي!

تمام سٺي شيئرنگ ۔۔۔ استاد بخاري جي شاعريء مان خوبصورت چونڊ ۔۔۔ شايد ساڳيو ڪلام سرمد سنڌي به ڳايو آهي، جيڪو ٽريڪٽرن ۾ پڻ وڏي آواز سان هلندو هو۔ ڇا ته لفظن جي چونڊ آهي، ڇا ته خيال آهن۔۔۔!!!