راهِه فَرار آسان طَريقو (غزل) نثاراحمدناز

[نثارناز]

ڪنهن مونکان سوال پڇيو ته جيڪي ٻين کي زنده رهڻ جا خوش گُذارڻ جا دڳ ۽ رستا ڏسيندا آهن اهي جلدي ڇو دنيا کي ڇڏي هليا ويندا آهن؟ ۽ اهي سدائين ڏکن سان جهيڙيندي جهيڙيندي ڏُکن جي ور چڙهي ختم ڇو ٿي ويندا آهن ؟ مون کيس چيو ته اهو فلسفو جيڪڏهن مون ٽي درجي واري شاعر کي سمجهه ۾ اچي وڃي ها ته ڪڏهن کان پنهنجي پاڻ تان ٽي درجي واري شاعر جي ڇاپ لائي ڇڏيان ها، پر ايتري خبر اٿم ته جيڪي ٻين کي حوصلي، ۽ همت جا ڏس پتا ڏيندا آهن ۽ پاڻ فنا ٿي ويندا آهن ، اُهي جن کي حوصلو ڏيندا آهن انهن جي دل ۾ هميشهه هميشه محبتن سان ۽ چاهتن سان رهندا آهن .مان ڇا پيو چوان ڇا پيو سوچيان ڪا خبر ڪانه ٿي پوي ڇو جو ڪُنڌ ذهن آهيان صفا موڳو مٽر آهيان. يقينن هن شاعريءَ ۾ مايوسيءَ جو اظهار آهي . بي پُهچ ماڻهو آهيان دنيا سان پُڄي نه ٿو سگهان پوءِ پنهنجو اندر ائين اوڳاڇيو اٿم. ته

غزل​

نثاراحمدناز​

راهِه فَرار آسان طريقو​

هاڻ لنگهي وٺ تُون ڀِي ليڪو​

​

آشا چِڪتا چُور آ جڳ جِي ​

جام ڏُکن جو هر ڪنهن پيتو​

​

ڪُرسي خاطر سنڌ جو سودو​

ڪونه کپي ٿو نالائيقو ۔۔!​

​

قومون اُڀري ڪيئن ته سگهنديون​

جيسين پاوَر تُنهنجو ويٽو ​

​

گُلڙن کي تُون ڀيلڻ وارا​

خُوب خزان جو تو وٽ ٺِيڪو​

​

دل سان کيڏي ٽوڙِين ويٺو​

هر هر ”ناز“ ڪري رانديڪو ۔۔!​

​

​

​

​

​

​

 

[رشيد سمون]

دل سان کيڏي ٽوڙِين ويٺو​

هر هر ”ناز“ ڪري رانديڪو ۔۔!​

رڳو ڊيزائين ئي نه پر ۔۔۔ احساسن جي روح تائين وٺي ويندڙ لفظ۔۔۔

 

[سليمان وساڻ]

دل سان کيڏي ٽوڙِين ويٺو​

هر هر ”ناز“ ڪري رانديڪو ۔۔!​

​

​

تمام خوبصورت خيال ۔۔۔۔ پر اهو ئي سوال ته سنڌ سلامت به نثار ناز کان ڪري رهي آهي۔​

 

[نثارناز]

دل سان کيڏي ٽوڙِين ويٺو​

هر هر ”ناز“ ڪري رانديڪو ۔۔!​

رڳو ڊيزائين ئي نه پر ۔۔۔ احساسن جي روح تائين وٺي ويندڙ لفظ۔۔۔

جادوگر سائين جو انتهائي ٿورائتو آهيان۔ جو کيس اسان جي هن ٽُٽل ڦُٽل شاعري جا لفظ احساسن جي روح تائين وٺي ويندڙ لڳا۔ لک لائق ادا سائين۔

 

[نثارناز]

دل سان کيڏي ٽوڙِين ويٺو​

هر هر ”ناز“ ڪري رانديڪو ۔۔!​

​

​

تمام خوبصورت خيال ۔۔۔۔ پر اهو ئي سوال ته سنڌ سلامت به نثار ناز کان ڪري رهي آهي۔​

مهرباني ادا محمد سليمان وساڻ، نثار ناز حاضر آهي وقت جي ڪٽهڙي کان وٺي سنڌ سلامت جي محبتي ڪٽهڙي تائين ۔۔۔۔ ۽ ڪنهنجي دل رانديڪو ٿئي پئي ڪير کيڏي پيو ۽ ڪير ناز آهي اهو هڪڙو سوال طلب ۽ جواب طلب واقعي موضع آهي ۔ ڏسان ٿو من ڪي دل سان کيڏي دل ٽوڙڻ وارا ناز جي سامهون اچن جو سنڌ سلامت کي مڪمل جواب ڏئي سگهجي۔ الله توکي سلامت رکي ادا

 

[MUHAMMAD ASIF BROHI]

زبردست

 

[عبدالرحمان مڱڻيجو]

سائين بهترين خوبصورت دردن ڀريو انداز آهي