1900 اٽيچمينٽ ڏسو چوندا آهن ته مُسڪُراهٽ روح جا دروازا کولي ڇڏيندي آهي.روح جو رِشتو ذهن سان،ذهن جو دِماغ سان ٿيندو آهي.زال خوبصورت اُها ئي سمجهي ويندي آهي جيڪا مُڙس جي دِل ۾خوشيون وِکيري۽ دِل جي سڪُون جو بائث بڻجڻ جي صلاحيت رکندي هُجي.توهان جي اگر ڪِنهن مُسڪُرائيندڙ چهري کي ڏِسوته توهان جي چهري تي ازخود مُسڪُراهٽ اچي ويندي.اُن مُسڪُرائيندڙ چهري کي ڏِسي۽ اُن جون خوشگوار ڳالهيون ٻُڌي توهان جي دِل ۾ به خوشيءَ جو جذبو پيدا ٿيندو.۽ توهان اهڙي ماڻهوءَ جي ويجهو رهڻ پسند ڪندو.پر جي اگر ڪو اهڙو چهرو جِنهن جي مُنهن تي هر وقت ٻارنهن پيا وڄندا مُسڪُراهٽ جو پري پري تائين ڪو نالو نِشان ئي نه هوندو،۽ ڳالهائڻ وقت اُن جي چهري تي عجيب وغريب ۽ اڻ وڻندڙ تاثر هونداته توهان جي اندر ۾ هِڪ اڻ وڻندڙ احساس پيدا ٿيندو ۽ تمام جلد توهان اُن ماڻهوءَ مان اُڪتائجي ويندا۽ اُن کان پري رهڻ جي ڪوشش ڪندا.هِڪ فرانسيسي اديب”روڪتي“ لکيو آهي ته”دِل سڀ کان وڌيڪ اُن وقت خوش هوندي آهي جڏهن ڪو کِلندڙ ،مُسڪُرائيندڙ انسان توهان جي ويجهو هُجي“.اڄ کان اٺاويهه سوء سال اڳ ۾ هِڪ مقدس ڪتاب جي ذريعي هِڪ قول اسان تائين پهتو”دِل جي خوشي ۽ سڪُون هِڪ بهترين دوا وانگر اسان کي فائدو پهچائي ٿي“انڪري هميشه مُسڪُرائيندا رهو .اِن سان سڀ کان پهريون فائدو توهان کي اِهو ٿيندو جو توهان جو چهرو پُرڪَشش لڳندو،ٻيو فائدو اِهو ٿيندو جو توهان مان ڪو بور نه ٿيندو،ٽيون فائدو اِهو ٿيندو جو توهان جا تعلقات مضبوط ٿيندا چاهي اُهي دوستيءَ جا هُجن ،گهريلو هُجن،يا دنياداريءَ جا هُجن،۽ هِڪ وڏو ۽ اهم فائدو اِهو ٿيندو جو توهان جي زندگيءَ ۾ مُسڪُراهٽ سان توهان جا ۽ توهان سان گڏ جيڪي ماڻهو هوندا اُنهن جا گذريل لمحا بهترين ۽ طويل وقت تائين برقرار رهي سگهندا.پاڻ به مُسڪُرائيندا رهو ۽ پنهنجي آس پاس جي ماڻهن ۾ به ڪوشش ڪري مُسڪُراهٽون وکيريو.توهان کي دِلي ،دِماغي ۽ روحاني سُڪون مِلندو….
مون ڪنهن کي غلطي سان دعا ڏني ته ۔۔۔”سدائين مسڪرائيندا رهو۔۔۔“ معافي وٺي جان بچائي جو۔۔۔ دعا ڏيندڙ ثابت ڪري ڇڏيو ته اها دعا نه پر بد دعا آهي۔۔۔ جي هر وقت مسڪرائبو رهبو ته ماڻهون ته چريو سمجهندا۔۔۔ پر توهان جي لکيل خوبصورت جملن ۽ وضاحتن جي جي پهريان ڄاڻ هجي ها۔۔ ته ڳالهه معافي تائين بلڪل نه اچي۔۔۔ توهان بلڪل سچ لکيو ته ۔۔۔ مسڪراهٽ جي قوت انتهائي اُتم ۽ اعلى آهي۔۔ ان سان دنيا کي تبديل ڪرڻ سان گڏ۔۔۔ ڪاميابيون پڻ حاصل ڪري سگهجن ٿيون۔۔
ابا! بِلڪُل مُسڪُراهٽ سان ٻين جو ته فائدو آهي پر انسان جا پنهنجا به ڪئي فائدا آهن ۔جيڪي مون ڄاڻايا آهن۔
جي مسڪرائڻ جا گهڻا ئي فايدا آهين پر ڪڏنهن ڪڏنهن ماڻهون چرين جون ڳالهيون ٻڌي به مسڪرائي ڏيندا آهين ۔ ان سان سياڻا ته سياڻا پر چرين جي لبن تي به مسڪراهٽ اچي ويندي آهي تمام بهترين فايدا اوهان بيان ڪيا اسان جي دعا ته شال هميشه مسڪرائيندا رهو ۔۔۔
ادا رشيد ڀليا آهيو ادا مسڪرائڻ وارن کي ڪو به چريو ناهي چوندو بلڪي کلڻ وارن کي اهو به توهان وانگر 9ههههههه ڪري وات فاڙي کلڻ ) وارن کي ماڻهون پاڳل چوندا آهين هههههههه مسڪرائيندا رهو اهو به صدقي جاريه آهي اوهان کي پاڳلن کان علاوه ڪوبه پاڳل نه چوندو
اوهانجو مسڪرائيندڙ چهرو ڏسي، پنهنجي منهن تي به مرڪ اچي وئي ۔۔۔ ڳالهيون سڀ ڪارائتيون ۔۔۔ ڪوشش ڪنداسون ته مشڪ منهن تي هميشه رهي ۔۔۔!!! هونءَ به اها به دليري چئبي جو اندر ۾ سئو فڪر هجن ۽ منهن تي مرڪ ۔۔۔ بلڪ ڪن ماڻهن جي ڏکائتي هجڻ جي نشاني ئي اها هوندي آهي جو سندن منهن تي مرڪ هوندي آهي ۔۔۔ جيئن هو گانو ٻڌو هوندوَ ۔۔۔ تون جو ايترو مسڪرائين پيو، ڇا ڏک آ جنهن کي لڪائين پيو۔ سدا سلامت رهو ۔۔۔
