تلاش گمشده

تلاش گمشده !
چور بازاري جي چوراهئي تي ايمانداري گم ٿئي ويئي آهي۔ ڪافي سال اڳ ۾ هو گهر ڇڏي وڃڻ واري ڀاء اخلاص جي ڳولها لاء گهر مان نڪتي هئي۔ هن جي ڀيڻ فرض شناس به هن سان گڏ هئي۔ آخري ڀيرو هن کي ڪرپشن چوڪ تي ڏٺو ويو هو۔ ٻڌڻ ۾ آيو آهي ته ملاوٽ جي بازار ۾ ٻنهي ڀيڻن جي دغابازي ۽ بي ايماني سان تلخ ڪلامي ٿئي هئي ،جٿي مڪروه ؤ فريب ٻنهي ڀيڻن کي سنگين نتائج کي منهن ڏيڻ ؤ ماسي نفسانفسي جي دلدل ۾ ڦٽي ڪرڻ جي دهمڪي ڏني هئي۔
خيال يقيني ۽ ڪامل آهي ته ڪرپشن جي مائٽن نالي بي ايماني،ڪوڙ،منافقت، بي راه روي،مفاد پرستي ۽ خود غرضي گڏجي ٻنهي ڀيڻن کي اغوء ڪيو آهي۔
جيڪڏهن ڪنهن صاحب ايمان کي انهن ٻنهي ڀيڻن جي باري ۾ خبر آهي ته هڪدم اطلاع ڏين، ڇاڪاڻ جو انهن جو والده انسانيت، عدم برداشت سان ويڙه کانپوء شديد زخمي ٿئي ڪري خودداري جي اسپتال ۾ نزع جي حالت ۾ پئي آهي۔ جٿي مسيحا حاجت مند هن جي علاج لاء بردباري جا انجڪشن،محبت جون گوريون،ڀائي چاري جا ڪيپسول،روداري جا سيرپ ۽ تحمل مزاجي جي ڊرپ تجويز ڪئي آهي ،جيڪي نيڪ نيتي جي اسٽور تان ملنديون يا دستياب آهن۔
ان جان بسمل مريض جي جان بچائڻ لاء صاحب ڪردار،صاحب ايمان حضرات ميدان عمل ۾ اچن ۽ مريض جي اولاد نالي ايمانداري۔اخلاص ۽ فرض شناسي کي هڪدم ڳولهي مريض جي سامهون آڻن تاڪي بستر مرگ تي آخري پساه کڻندڙ انسانيت بچي سگهي۔
(بشڪريه آحسان الهئي ٿهيم،جهنگ پنجاب)

 

عمده سبق، الله سائين اسان كي اخلاص نصيب فرمائي، آمين.

 

بهترين

 

سائين اها مسڪين انسانيت به نه بچي ۔۔۔۔
ڇاڪاڻ پنهنجي پير تي ڪهاڙي وهائڻ جو ڪهڙو علاج ۔۔۔ ؟؟؟​

انسان پاڻ ئي ته پنهنجي انسانيت کي گم ڪري، ڏند ٽيڙي ويٺو آهي ۔۔۔
پنهنجي ڪئي جو نه ويڄ نه طبيب ۔۔۔!!!​

ڪٿي ڪٿي ڪا انسانيت ويچاري نظر اچي ويندي آهي ته واه واه ٿي ويندي آهي ۔۔۔ ائين لڳندو آهي ڄڻ ڪنهن گرم اونهاري جي نٽهڻ اس ۾ ٿڌي هوا جي ڪا لهر ۔۔۔​

اهو به نظر آيو آهي ته انسانيت جا گهڻا گڻ اسانجي وطن ۾ ئي اوگڻ ٿيا آهن، باقي ڪيترن قومن وٽ ڪا جنت ڪونهي پر پوءِ به انسانيت ساهه کڻي پئي ۔۔۔​

پنهنجي وطن لاءِ دعائون آهن ۔۔۔​

سائين سدائين ڪرين مٿي سنڌ سڪار۔​

 

هاءِ افسوس... انسانيت سڪرات جي ڪيفيت ۾ الائجي ڪيترو وقت ايمانداري۔اخلاص ۽ فرض شناسي جي جُدائي جوغم برداشت ڪندي...