مان ھڪ عورت آھيان!

[سهڻي پارس]

​

مان ھِڪَ عورت آھيان​

مان ڪو حِسابُ ناھيان​

مان هِڪ عورت آھيان​

مان ماءُ بـ آھيان​

ڌيءُ بـ آھيان​

زال بـ آھيان​

ڀيڻ بـ آھيان​

محبوبا بـ آھيان​

مان ھِڪَ عورت آھيان​

مان ڪو حِسابُ ناھيان​

مون کي سمجھڻ سولو ناھي​

مون کي پَرکَڻُ سولو ناھي​

مون کي وڃائڻ سولو آھي​

پر حاصِل ڪرڻ سولو ناھي​

مان ھڪ عورت آھيان​

مان ڪو حساب ناھيان​

ڪِنھن ليکڪَ جي ڪَھاڻي ناھيان​

ڪِنھن شاعر جي ڪَوتا بـ ناھيان​

جو نـه وَڻي تـه ڦاڙي ڇڏجي​

يا ڊسٽ بِن ۾ اُڇلائي ڇَڏجي​

مان ھِڪَ عورت آھيان​

مان ڪوحِسابُ ناھيان​

جنھن تي فارمولا لڳي سَگهن​

مان ھِڪَ عورت آھيان​

مان ڪو حِسابُ ناھيان.........​

 

[سليمان وساڻ]

ڳالهيون ته گھڻيون آهن هن شاعريء ۾ ۔۔۔ ڪجهه تضاد به آهي

مون کي سمجھڻ سولو ناھي​

مون کي پَرکَڻُ سولو ناھي​

​

ها بلڪل اهو ته آهي، ڪنهن کي سمجهڻ ڪو سولو ناهي۔۔۔۔ پر​

​

ڪِنھن ليکڪَ جي ڪَھاڻي ناھيان​

ڪِنھن شاعر جي ڪَوتا بـ ناھيان​

جو نـه وَڻي تـه ڦاڙي ڇڏجي​

يا ڊسٽ بِن ۾ اُڇلائي ڇَڏجي​

​

اهي احساس به گهرا ۽ سوچڻ جهڙا، عورت انسان آهي، محبت آهي، ماء آهي، ڀيڻ آهي ۽ زال آهي ۔۔۔ ان لاء عزت هجڻ گهرجي۔​

​