سال جون موسمون

[مسيح مگسي]

سال جون موسمون​

آيو نومبر ڊسمبر جنوري،​

آئي سياري جي آ مند وري،​

هن موسم ۾ ٿا سيءَ پون،​

ٿا ٻار ٻڍا سڀئي تڙڪن،​

هاڻ سوئيٽر ڪوٽ نوان وٺبا،​

ڪن مفلر ساڻ ٻئي ڍڪبا،​

هاڻي سج جو تڙڪو ڀي وڻندو،​

۽ صبح جو ٻاهر ٿي پڙهبو،​

هاڻي ساڳ ڦريون ڀي جام آهن،​

۽ سايون ڀاڄيون عام آهن،​

آ ڏينهن ننڍو ۽ رات وڏي،​

آ رب جي هي سوغات وڏي،​

اڌ فيبروري اپريل تائين،​

آبهار اپريل تائين،​

هن مند جو ٿو انتظار رهي،​

شل سال سڄو ئي بهار رهي،​

هي موسم سڀ لئه آ پياري،​

ٿي گلڙن ۾ ٿئي گلزاري،​

ٿا گل ڦل موتيا سڀ ٽڙن،​

ڪيئن پوپٽ ۽ ٿا ڀؤنر ڦرن.​

هر پورهيت هاري خوش ٿئي،​

ٿو ان اپائي نان ڏئي​

ڏس مئي ۽ جون جولاءِ آگسٽ،​

ٿو گرمي ۾ ته ستائي آگسٽ،​

اچي نيٺ ويو اونهارو آ،​

۽ گرمين جو وريو وارو آ،​

وري سنهڙا ڪپڙا پيا وٺڻا،​

پهراڻ ڀريل ڀي پيا سبڻا،​

ڪو ڏينهن تتي ۾ ڪين رُلي،​

ٿو سانجهي کان پوچين ملي،​

هن موسم ۾ ٿا مينهن وسن،​

ٿر ڪاڇي جا ٿا پٽ پُسن،​

۽ ڍنڍون ڍورا ٿا ڀرجن،​

پو فصل ڀلا ٿا يار پچن،​

ٿي هر هنڌ ڏس هٻڪار ٿئي،​

ٿي گهٽي گهٽي گلزار ٿئي،​

ڏس سيپٽمبر ۽ آڪٽوبر،​

هي سَرءُ جي آ موسم دلبر،​

ٿي ڏينهن جو ٿوري گرمي ٿئي،​

۽ رات جو وڻندڙ سردي پئي.​

هي گيت ته تابش ٺاهيو آهه،​

ڪجهه ٻارن کي سمجهايو آ.​

​

​

(هي نظم تابش بخاري جي سرجيل آهي، جيڪا مان هتي اوهان سڀني لا ونڊ ڪيان ٿو)​

 

[شاهين لطيف ، سنڌي ،]

سٌٺو ونڊ ادا

 

[TAHIR SINDHI]

4 موسمن جي باري م بهترين وند..ادا جاري ركندا..

 

[ممتاز علي وگهيو]

تمام تعريفون انهيء ذات جون جنهن هن خوبصورت ڪائنات کي پنهنجي قدرت سان خوبصورت انداز ۾ تمام سهڻو تخليق ڪيو۔ الله تعالهانسان جي ضرورتن کي پورو ڪرڻ لاء بي شمار نعمتون پيدا ڪيون آهن ( جنهن جو جيترو شڪر ادا ڪجي اهو اوترو گهٽ آ ) انهن نعمتن مان موسم به هڪ وڏي نعمت آهي۔ موسم ڇا آهي، موسم الله جي اها نعمت آهي جيڪا اسان جي چوڌاري هر وقت هر حال هر دور ۾ رهي ٿي، جيڪا اسان جي زندگي جو هڪ اهم ۽ خاص حصو آهي، جنهن جو اثر انسان جي رنگ مذاج ۽ صحت تي پڻ ٿئي ٿو۔ موسم جي تبديلي سان ئي دنيا جو وهنوار ۽ نظام هلي پيو ۽ ان جي مڪمل حڪمت ته رب جي ذات ئي ڄاڻي ٿي جنهن کان دنيا جو ڪو به علم لڪل ناهي۔۔۔۔۔۔۔ موسم هر علائقي جي حسان سان الڳ الڳ اثر رکي ٿي، دنيا ۾ سال جون چار موسمون ڳڻيون وڃن ٿيون جنهن ۾ سيارو، اونهارو، سرء ۽ بهار شامل آهي۔​

موسمن ۾ سڀ کان پسنديده موسم، موسم بهار آهي، موسم بهار اچڻ سان ماڻهن جي چهرن تي پڻ موسم بهار نظر اچڻ لڳي ٿي۔ موسم بهار جو اثر نه صرف ماڻهن تي پر ٻوٽن تي وڻن تي جانورن، ۽ پکين تي پڻ ٿئي ٿو پر هت خاص ذڪر گرمي جي موسم جو ڪيو وڃي ٿو، ڇاڪاڻ ته اسان جي ملڪ پاڪستان ۾ اسان جو ٻين موسمن کان وڌيڪ ٽائيم اونهاري جي موسم ۾ گذري ٿو۔ اونهارو سال جي مڙني موسمن کان وڏي موسم آهي، ۽ هن موسم ۾ گرمي تمام گهڻي ٿئي ٿي، ۽ سال جو وڏي مان وڏو ڏينهن به هن موسم ۾ 21 جون جو ٿئي ٿو۔هر ماڻهون جي پنهنجي پسند آهي، اهڙي ريت هرڪو الڳ الڳ موسم کي پسند ڪري ٿو پر مان ته سياري جي موسم کي پسند ڪندو آهيان، جنهن ۾ مون کي مزو ايندو آهي، ۽ مان پنهنجي پسند جا ڪم ڪري سگهندو آهيان جيڪي ڪم گرمي جي بيزاري ڪرڻ ناهي ڏيندي۔​

 

[مسيح مگسي]

مهرباني ڀائرو

 

[شاهين لطيف ، سنڌي ،]

۔هر ماڻهون جي پنهنجي پنهنجي پسند آهي،​

​