منهنجو نثري نظم

[مصور عالم]

​

،تون چوين ٿي​

،ماڻي وٺ مونکي مجني جيان​

،۽ پيار ڏي مونکي پنهونء وانگي​

،مگر ٻڌ جانان​

،مجني جي زندگي جو مقصد صرف ليلا جي محبت هئي​

،۽ پنهونء وٽ پيار کانسواء​

،ٻي ڪا ذميواري نه هئي​

،۽ مان​

،منهنجي زندگيء جو مقصد​

،صرف چاهت ناهي چري​

،منهنجي ٻڍڙي امڙ​

،جن خوابن جي ساڀيان لاء​

،راتيون جاگي رليون ٽوپي​

،منهنجي ڪتابن لاء پئسا ڪمايا​

،پنهنجي پرآسائش زندگي ٺڪرائي​

،ڏکن جا ڏونگر سر تي سٺا هئا​

،تن خوابن جو جنازو ڪيئن ٿو ڪڍي سگهان​

،نه هرگز نه​

،سڀ کان پهرين مونکي​

،امڙ جي انهن سپنن کي ساڀيان ڪرڻو آ​

،۽ ان سان گڏوگڏ​

،پنهنجي چاهت کي به چار چنڊ لڳائڻا آهن​

،ها مڃان ٿو​

،مڃان ٿو تنهنجي محبت خاطر​

،مان تاج محل نٿو جوڙي سگهان​

،مگر منهنجي دل جي اندر​

،تنهنجي محبت جي جيڪا محلات اڏيل آ​

،سا ان تاج محل کان هزار دفعا بهتر آ​

،جنهن کي جوڙائيندڙ شاهجهان​

،ممتاز جي ڀيڻ کي جيون ساٿي بڻايو​

،شاهجهان وٽ شايد محبت جو ملهه​

،تاج محل تي خرچ آيل رقم جيترو هو​

،مگر مان محبت کي محدود رکڻ جو قائل ناهيان​

، نه ئي محلات ٺاهڻ جي قابل آهيان​

،ڇو ته مان شهنشاه نه پر شاعر آهيان​

،منهنجي ملڪيت منهنجون هي سٽون آهن​

،۽ مان توکي پنهنجي سموري ملڪيت ارپي ٿو ڇڏيان​

،۽ ها​

،تو پنهونء وانگر پيار ڏيڻ جو چيو آ​

،چري مان مڃان ٿو​

،ته پنهونء وانگرپنهنجو گهر ڇڏي​

،تو وٽ نه ٿو اچي سگهان​

،پر تنهنجا سسئي وانگر سور سهڻ​

،سرير ۾ ساه هجڻ تائين​

،سهي نه سگهندس​

،ڇو ته منهنجي محبت زماني وانگر رواجي ناهي ​

،جو ڪم نڪتو ڪاڳر ڦاٽو واري ڪار ڪريان​

،مون محبت کي فرض سمجهيو آ​

،مون چاهت جي عبادت ڪئي آ​

،ها​

.مون چاهت جي عبادت ڪئي آ​

 

[مصور عالم]

دوستن جي چوڻ تي فل نظم پيش آهي۔۔۔۔۔۔۔۔۔۔۔۔۔

 

[سليمان وساڻ]

مون محبت کي فرض سمجهيو آ

مون چاهت جي عبادت ڪئي آ​

اوهان جا خيال ۽ اوهان جو هي نظم تمام سٺو لڳو ۔۔۔ اميد ته اوهان پنهنجي شاعري واري سلسلي کي جاري رکندا۔​

​

 

[مصور عالم]

مون محبت کي فرض سمجهيو آ

مون چاهت جي عبادت ڪئي آ​

اوهان جا خيال ۽ اوهان جو هي نظم تمام سٺو لڳو ۔۔۔ اميد ته اوهان پنهنجي شاعري واري سلسلي کي جاري رکندا۔​

​

قرب سائين۔۔۔۔
جيسين سرير ۾ ساه آهي تيسين شاعريء سان ساٿ نڀائبو۔۔۔۔۔۔۔۔۔۔۔