سرنهن جي ڦولار ۾

[رضوان علي جمالي]

”سوز“ هالائي

وائي ​

تتر ٿو ٻولي، سرنهن جي ڦولار ۾۔ ​

ڪيڙُو ڪيڙُو،پيو ڪري، کنڀڙاٽيون کولي، ​

سرنهن جي ڦولار۾ ! ​

پنهنجي پنهنجي پرينءَ کي،هر ڪو ٿو ڳولي، ​

سرنهن جي ڦولار ۾ ! ​

ماريءَ سندي وار جا، ڀؤ سڀيئي ڀولي، ​

سرنهن جي ڦولار ۾ ! ​

آيو سرنهن کيت ۾، آزاديءَ اولي، ​

سرنهن جي ڦولار ۾ ! ​

ُاڏرئا ڦوُل هوا ۾، ڦڳڻ کي ڦولي، ​

سرنهن جي ڦولار ۾ !​

​

​

​

 

[مصور عالم]

پنهنجي پرينء کي هرڪو ٿو ڳولي۔۔۔۔۔۔۔۔۔۔۔۔۔۔۔

واه واه بهترين

 

[منظور ڪلهوڙو]

واهه واهه سائين هي ئي ڏينهن آهن سرنهن جي ڦولار جا۔۔۔ڳوٺ وڃڻ لا دل سڪي ٿي۔۔۔
اسان به وڃي گهمي اچون سرنهن جي ڦولار ۾۔
جيڪي گذريون جوانيون سرنهن جي ڦولار ۾
ها ڙي! اهي به ڇا ته ڏينهنڙا هوندا هئا
پنهنجا ڍور ڍڳا چاريندا هئا سين سرنهن جي ڦولار ۾۔۔

 

[سليمان وساڻ]

پنهنجي پنهنجي پرينءَ کي،​

هر ڪو ٿو ڳولي، ​

سرنهن جي ڦولار ۾ ! ​

​

​

خوبصورت چونڊ ۔۔۔۔ لاجواب​