نثارابڙو
نائب منتظم
ٻول مٺڙا، آواز سهڻو ۽ پياري ڌن هجي ته دل تي اثر ضرور ڪري ٿي ...
************************
منهنجي محبوب کي وڃي چئه سڪ ڏاڍي لڳي آهي،
منهنجي جانيءَ کي جلدي چئه سڪ ڏاڍي لڳي آهي.
جي رٺل آ مونسان جاني، ته ڏيو پرچائي.
پنهنجي پياري کي ڏسڻ لئه ڏاڍي بيتاب آهيان،
ڇو ٿو مجبور ماڻهونءَ کي، هو ستائڻ چاهي،
جي رٺل آ مونسان دلبر، ته ڏيو پرچائي.
منهنجي تڙپڻ جو خدارا !، ڪجهه احساس ڪيو،
آڻيو گڏ پاڻ سان پيارو، هي ڪرم فرمائي،
جي رٺل آ مونسان دلبر، ته ڏيو پرچائي.
نماڻي نور آحمد جو اٿوَ هي عرض مٺا،
جاني هڪ ڀيرو اچي، بروهيءَ کي ڳل لائي،
جي رٺل آ مونسان جاني، ته ڏيو پرچائي
منهنجي محبوب کي وڃي چئه سڪ ڏاڍي لڳي آهي،
منهنجي جانيءَ کي جلدي چئه سڪ ڏاڍي لڳي آهي.
جي رٺل آ مونسان جاني، ته ڏيو پرچائي.
