هڪ سنڌي ۽ پنجابي جي پاڻ ۾ دوستي ٿي پئي، ٻئي گهمندا ڦرندا گڏ هئا، پنجابي ڏسڻ ۾ مٺڙو پر سنڌيءَ کي سدائين وائڙو سمجهي پاڻ کي پڏائيندو هئو. هڪ ڏينهن ٻئي ڄڻا هڪ جنرل اسٽور ۾ ويا، پنجابيءَ اتان ٽي چاڪليٽ چورائي ورتا. ٻئي ڄڻا ٻاهر نڪتا ته پنجابي ان سنڌي کي چوڻ لڳو، ڏٺئي مان ڪيڏي هوشياري سان ٽي چاڪليٽ چورائي ورتا.. تون ته ڪجهه به نه ٿو ڪري سگهين. سنڌي چيو. اها وري ڪهڙي وڏي ڳالهه آهي، هل واپس . مان توکي مزي واري ڳالهه ڏيکاريان ٿو. ٻئي ڄڻا ڪائونٽر تي واپس آيا، سنڌي ڪائونٽر ويٺل همراهه کي چيو، مان توکي هڪ جادو ڏيکارڻ چاهيان ٿو، هڪ چاڪليٽ ڏي۔ اهو چاڪليٽ وٺي سنڌي کائي ويو، وري ٻيو چاڪليٽ گهري اهو به کائي ويو، ، وري ٽيون چاڪليٽ گهري اهو به کائي ويو. ڪائونٽر تي ويٺل همراهه چيو، تون ته منهنجا چاڪليٽ کائيندو ٿو وڃين، جادو وري ڪاٿي آهي.؟ سنڌي همراهه چيس اهو ئي ته ڪمال آهي. اهي ٽئي چاڪليٽ توکي منهنجي هن دوست جي کيسي ۾ ملندا۔۔۔۔
