تون ڪِهڙو محبوب آهين ؟؟؟؟؟؟؟؟؟؟؟؟؟؟؟؟؟؟

[سهڻي پارس]

تون ڪهڙو محبوب آهين؟​

جِنهن جي ڪُلهي تي​

ڏُک ويل مان لُڙڪَ​

نٿي هاري سگهان،​

پريشانيءَ ۾ دردَ نٿي ونڊي سگهان ،​

تون ڪهڙو محبوب آهين؟​

جِنهن سان حال نٿي اوري سگهان ،​

ڳالهائيندي به هٻڪان ٿي ،​

متان رُسي نه وڃي ،​

جِنهن اڳيان مجبور آهيان​

تون ڪهڙو محبوب آهين؟​

ها !شايد مون کان وسري ويو!​

ته هاڻي تون منهنجو​

محبوب نه آهين​

جِنهن سان ڳالهيون ونڊيندي هئس ،​

جِنهن جي جهولَ ۾ ،​

سُڪون ملندو هو​

جِنهن جي ڇهاءَ ۾ جنت ملندي هئي ،​

جِنهن کي منهنجا چپَ ،​

ڪافيءَ وانگر ،​

۽ منهنجو پيار ٽافيءَ وانگر​

لڳندو هو ،​

منهنجون اکيون ڪينجهر ،۽​

منهنجا وار گهٽائون لڳندا هئا ،​

ڇو ته هاڻي تون مڙس آهين ،​

۽مان زال!​

ڪيڏو نه فرق آهي ،​

محبوبا ۽ زال ۾،​

محبوبا جا چپَ ڪافيءَ وانگي،​

۽ زال جا بي ڍنگا ،بيڊولا​

محبوبا جا وار گهٽائون ،​

۽ زال جا!​

گهنڊيرا تيلَ ۾ ٻڏَل!​

ڪيڏو نه فرق آهي زال ۽​

محبوبا ۾ !!!!!!​

 

[عرس پريو]

واه واه

خوبصورت، سچا ء تکا، من موهيندڙ خيال
جذبن جي عڪاسي ڪندڙ

بهترن