موسم جي بيحسي!!!!!!

[سهڻي پارس]

موسم جي بيحسي ته ڏِسُ​

خبر به اٿس!​

ته ڪوئي گهڻو تنها آهي،​

اڪيلو آهي، ​

اُداس آهي ،​

پوءِ به تڙپائڻ کان نٿي مُڙي !​

چهري تي مينهنَ ڦڙيون ،​

دردن کي مڇرائين ٿيون ،​

موسم جي بيحسي ته ڏِسُ !​

ڇا اُداسيءَ جا ليڪا ،​

چهري تي نه ڏِٺائين ؟​

هيڪلائي جا گهُنڊ ،​

ويران دِل جي نرڙ تي ،​

نه ڏٺائين !​

خاموش سُڏڪن جا ،​

پڙاڏا نه ٻڌائين ،​

موسم جي بيحسي ته ڏِسُ!​

اداسيءَ کي به اُداس ڪري وئي ،​

تنهائي کي ويتر تنها ڪري وئي ،​

سُڏڪن ۾ رانڀاٽ ڇڏي وئي ،​

موسم جي بيحسي ته ڏِسُ!​