مثنوي رومي مولانا روميءَ جي مثنوي کي پارسي علم ادب ۾ ممتاز درجو حاصل آهي۔ وڏا مولوي ۽ عالم انهيءَ ڪتاب جو چڱي طرح سان اڀياس ڪندا آهن ۽ عام ماڻهو انهيءَ ڪتاب جو نالو ئي عزت ۽ احترام سان وٺندا آهن۔ عام ماڻهن جي راءِ آهي ته مثنوي پڙهڻ ۽ سمجھ ڪو سولو ڪم ڪونهي ڇاڪاڻ جو ان ۾ خيال اونها ۽ الفاظ اهنجا آهن۔ اهو خيال ماڻهن جي دل ۾ ايترو ته گهر ڪري ويو آهي جو جڏهن هڪڙي دوست سان ڳالھ ڪيم ته مان مثنوي شريف جوسنڌي نثر ۾ ترجمو ڪري رهيو آهيان تڏهن ٺھ پھ چيائين ته مثنويءَ کي ڪو سمجهي ڪونه سگهندو مون کي ڏاڍو عجب لڳو۔ ڇاڪاڻ جو مان انهيءَ خيال جو آهيان ته جو ڪتاب انسان لکيو آهي ۽ انهيءَ لاءِ لکيو آهي ته ٻيا پڙهي مستفيض ٿين تنهن ڪتاب لاءِ چوڻ ته سمجهڻ کان ٻاهر آهي سا مصنف جي سخت توهين آهي۔ بهرجال بنده پنهنجي ڄاتي آهر ڪوشش ڪئي آهي۔ اميد ته پڙهندڙ ته فقظ جظ پر فيض پڻ حاصل ڪندا۔ (بي بي سي سنڌي جي ٿورن سان ) 2037 اٽيچمينٽ ڏسو
