قطار ۾ هلڻ وارا جاندار : جيتن ۾ماڪوڙا ۽ ڪوليون قطار ۾ هلندي نظر ايندا آهن ۔۔۔ پکين ۾ بدڪون قطار ۾ هلنديون آهن ۔۔ ۽ جانورن ۾ اٺ ڪارروان جي صورت ۾ هلندي نظر ايندا آهن ۔۔قطار ۾ هلڻ اتحاد کان سواء نظم و ضبط جو به زبردست مثال آهي۔ مان اڄ گوگل تي قطار ۾ هلڻ جاندارن جي ان عمل جا سبب تلاش ڪيان پيئي ۔۔ خبر پيئي ته ڪوليون ان ڪري قطار ۾ هلنديون آهن ته ڪا به هڪ ڪول اگر ڪوئي کاڌي ملڻ جو ذريعو ڏسي وٺندي آهي ته بين ڪولين کي ان طرف وٺي ويندي آهي۔۔۽ هر ڪول پوئين ڪول جي رهنمائي لاء هڪ نشان ڇڏيندي ويندي آهي ائين هڪ ٻئي جي پيروي ڪندي سڀ هلنديون آهن۔ بدڪن ۾ فيمليز گڏ هلنديون آهن ۔۔ اڳيان ماء وچ ۾ ٻار ۽ آخر ۾ پيء ٻارن جي حفاظت لاء ۔۔۔ اٺن۾ سڀ کان اڳيون اٺ مالڪ جي ڪڍ ۽ هر پويون اٺ اڳئين اٺ جي پيرن جي ڇڏيل نشان تي پير رکي اڳتي وڌنڌو آهي۔ اٺن جي قطار ۾ هلڻ جو سبب معلوم نه ٿيو ۔۔ ٿي سگهي ٿو الڳ هلڻ جي صورت ۾ انهن کي وڇڙي وڃڻ جو انديشو هجي۔ پراڻي زماني ۾ اٺ سواري ۽ سامان ڍوئڻ لاء استعمال ٿيندا هئا۔۽ انهن جي قطار کي camel train چيو ويندو هو ۔۔ اهو ممڪن آهي ته ريل ٺاهڻ جو تصور اٺ جي ڪارروان کي ڏسي انسان جي ذهن ۾ آيو هجي۔ جانورن جي زندگين جو اگر مشاهدو ڪجي ته خبر پئي ٿي ته اهي هڪ ميڪنزم تحت هلن ٿا۔۔ جيئن انهن جي دماغن ۾ قدرتي طور تي ٿيل پروگرامنگ هجي جنهن جي مطابق اهي عمل ڪن ٿا۔
