ضمير ملامت ڪئي هوندي ...حليم باغي

[مصور عالم]

ڪم ظرف جي ويڪوءَ فطرت تي احساس ملامت ڪئي هوندي
چانديءَ جي چمڪ تي وڪجي ويو، ضمير عدالت ڪئي هوندي

زنجير جو کڙڪو چپ ٿي ويو، تو کي ته اڃان پر ڏڪڻي آ
پڪ ڄاڻ تو جھڙي ڪنهن ماڻهوءَ قانون جي اطاعت ڪئي هوندي

رت جنهن کي سانڍي سوچين ٿو ۽ هارڻ کان لهرائين ٿو
او رت پڄارا تو کي به ڄڻي ڪنهن ماءُ سخاوت ڪئي هوندي

او ساٿ ڌڻي جي واڳ وٺين ۽ واڳ وٺي جي واٽ وٺين
هت چؤواٽن تي چنڊ کڙيا ــ جي ڪنهن به واردات ڪئي هوندي

اڄ دار جي پاران دز اڏي منصور، وري ڪو دار چڙهي
ڪنهن جي ته سسيءَ هن وقت ميان موسم تي عنايت ڪئي هوندي

رُت ڦرڻي آ سا ڦرندي پئي، هڪ ڳالهه ته ماڻهو ڄاڻن ٿا
تاريخ ڦري يا ڀل نه ڦري، باغيءَ ته بغاوت ڪئي هوندي
.حليم باغي

 

[شاهين لطيف ، سنڌي ،]

رُت ڦرڻي آ سا ڦرندي پئي، هڪ ڳالهه ته ماڻهو ڄاڻن ٿا
تاريخ ڦري يا ڀل نه ڦري، باغيءَ ته بغاوت ڪئي هوندي
.حليم باغي​

 

[MUHAMMAD ASIF BROHI]

تمام بهترين