سينچورين ٽيسٽ جي ٽئين ڏينهن ڏکڻ آفريڪا جي ٽيم پاڪستان کي ٽئين ٽيسٽ ۾ شڪست ڏئي سيريز ۾ صفائي ڪري ورتي آهي۔ ٽن ٽيسٽ ميچن جي سيريز ۾ پاڪستان کي سولائي سان شڪست ڏئي ڏکڻ آفريڪا دنيا جي بهترين ٽيم ثابت ٿي آهي۔
پاڪستاني بيٽسمينن جي ناقص ڪارڪردگي ڏسڻ وٽان هئي جڏهن پهرين ٽيسٽ جي پهرين اننگز ۾ پاڪستان صرف 49 رنسن جي گهٽ ۾ گهٽ اسڪور تي آئوٽ ٿي۔
جهانسبرگ ۾ ٿيندڙ پهرين ٽيسٽ ۾ پاڪستان کي اننگز ۽ 211 رنسن تان شڪست ملي۔
ڪيپ ٽائون ۾ ٿيندڙ ٻي ٽيسٽ ۾ پاڪستان کي 4 وڪيٽن تان شڪست ملي۔
سينچورين ۾ ٿيندڙ ٽين ٽيسٽ ۾ پاڪستان کي اننگز ۽ 18 رنسن تان شڪست ملي۔
ياد رهي ته پاڪستاني ڪپتان مصباح سيريز جي ڇهن اننگز ۾ صرف 22 جي ايوريج سان صرف 135 رنسون ٺاهي سگهيو، نائب ڪپتان حفيظ 7 جي ايوريج سان صرف 38 رنسون ٺاهي سگهيو۔
