سنڌي سڀ نه هڪجهڙا

[نثارابڙو]

سنڌي سڀ نه هڪجهڙا
ڪي وسن سنڌ ۾
ڪن ۾ وسي سنڌ
ڪنعيو شيواڻي .. ڀوپال​

+++++++
اچو ته پاڻ کان سوال ڪريون؟
پاڻ ۾ سنڌ آهي يا پاڻ سنڌ ۾ آهيون.

جي اسين صرف سنڌ ۾ آهيون ۽ سنڌ اسان ۾ ناهي ته پوءِ پڪ سان اسين سنڌ بچائي ڪون سگهنداسون ...

پر جيڪڏهن سنڌ اسانجي اندر ۾ آهي ته پوءِ يقين سان سنڌ کي ڪجهه ڪون ٿيندو .... انشاء الله​

 

[ٻروچ]

مرحومه جو شعر آهي ته
بات تو سچ هي مگر بات هي رسوائي ڪِي

ڀلي ڪير ڪيتريون به وطن دوستي ۽ قومپرستي بابت وڏيون ڳالهيون ۽ دعوائون ڪري پر عمل مان ظاهر آهي ۽ حالات حاضره پڻ ثابت ڪيو آهي ته اسين صرف سنڌ ۾ رهون ٿا۔
سچ ٻڌڻ ۾ ته تڪليف ٿيندي آهي پر سچ چوڻ ۾ به ساڳي ڪيفيت مان گذرڻو پوي ٿو۔۔ توبه ابا اڌ ڪلاڪ ۾ هڪڙي سِٽ لکي سگهيو آهيان۔۔ بس ڪئيسين ابا۔۔
يار نثار وڏو ڪو زوراور آهين ڀائو، ڇو ٿو اهڙا سوال ڪرين يار۔۔ هرو ڀرو زخم کولڻ مان ڇا ورندو۔۔ حڪيم سڀ مري چڪا آهن۔۔ هاڻي ڪير حڪيم ٿيڻ لاء سوچي ٿو سو پاڻ زخمي ٿيو پوي۔۔

 

[سليمان وساڻ]

ڪو ڪيئن چوي ڪو ڪيئن چوي
مان جوئي آهيان سوئي آهيان ۔۔۔۔

گهٽ ۾ گهٽ اهڙو ناهيان جو سنڌ پرستي جا ڪوڙا نعرا هڻي پنهنجن کي لُٽيان، گهٽ ۾ گهٽ اهڙو ناهيان جو سنڌي هندن جي نياڻين جي تحفظ لاء ٿيندڙ ريلين جي اڳواڻي ڪيان ۽ هنن جي سيٺين کي کڻي انهن کان ڀنگ وٺان، گهٽ ۾ گهٽ اهڙو ناهيان جو ڪوڙي دعوا ڪيان ۔۔۔۔

بس مان جيڪو آهيان سڀني جي اڳيان آهيان ۔۔۔۔ فيصلو مان پاڻ نه ڪندس ، فيصلو ته اوهان ئي ڪندا۔۔۔۔

ڪير سنڌ آهي ۽ ڪنهن ۾ سنڌ وسي ٿي ۔۔۔۔ ڏکيو سوال پر اهم سوال