اڄ ڳــــاڙهـــو سنڌوءَ پاڻـــي هو

[عمران درويش سومرو]

​

اڄ ڳــــاڙهـــو سنڌوءَ پاڻـــي هو​

منهنجي سنڌ جو سينو ڇاڻي هو​

​

​

​

بَــمَ بــاهـهِ بڻيـــــو، بـارُود بڻيـــو​

هـي شـــهر منهنجو بيروت بڻيــو​

ڪنهــن دور ۾ سنــڌ حـويلي هئي​

۽ شـــــهر ڪــــراچي راڻـــي هـــو​

اڄ ڳـــــاڙهـــو سنــڌوءَ پاڻـــي هو​

​

​

​

​

منهنجي سنڌ تي خونين ڪاهه ڪيو​

منهنجي شهر کي مقـتل گاهه ڪيو​

دِلِ سـُـــــورَ، اکــيـــن ۾ لُــڙڪَ کڻـــي​

هر ماڻهــــو ڪَربَ ڪـــهاڻـــي هـــو​

اڄ ڳــــاڙهـــــو سنــڌوءَ پــاڻـــي هـــو​

​

​

​

هــي ٺَــڳَ ڪـٿــي کان آيــا هِن​

جـــن پنهنجـــا حــق ڄمايا هن​

درويـشُ سَوالِـي چهري ســــان​

تصــويــر بڻيـــل ويــڳاڻــي هــو​

اڄ ڳاڙهو سنـــڌوءَ پــاڻـــي هــو​

​

​

​

منهنجي سنڌ جو سِينو ڇِاڻي هو​

​

​

​

عمران درويش سومرو​

​

​

​

​

​

​

​

۔​

​

​

​

​

 

[سليمان وساڻ]

اڄ ڳاڙهو سنڌوء پاڻي هو ۔۔۔۔۔ درويش توهان جا احساس سمجهي سگهون ٿا، اسان به ته ان ئي شهر دهشت جا رها ڪو آهيون، الائي ڇو سياست ۽ مذهب جي مفاهمت سبب اسان انسانيت وڃائي رهيا آهيون۔ اسان مان احساس ختم ٿيندا وڃن، اسان هاڻي رت جي خبرن جا هيراڪ ٿي ويا آهيون۔۔۔۔

اي سنڌ ۔۔۔۔ توکي ڇا ٿي ويو آهي۔۔۔۔

 

[TAHIR SINDHI]

جڏهن برداشت جو مادو ختم ٿي وڃي، جڏهن انسانن مان انسانيت ختم ٿي وڃي، جڏهن امت مسلمه ڪفر سان جنگ جوٽڻ بجا پاڻ ۾ ئي پوري هجي، ته سمجهو ته اسين تباهي طرف وڃي رهيا آهيون۔
يقين ئي نه ٿو اچي ته هي شهر جيڪو ڪڏهن روشنين جو شهر ڪوٺيو ويندو هو ان جي اها صورتحال ٿي ويندي جو هي خوف، اونڌاھ ۽ عدم برداشت جو شهر ٿي ويندو۔
دين اسلام ۾ اهڙي ڪڌي عمل جي ڪا به گنجائش نه آهي، دين اسلام اهڙن ظالمن کان بري آهي۔
خبر نه آهي ته هي حڪومت اسان کي ڪهڙي طرف وٺي ويندي، ڪالهوڪو واقعو هن کوکلي حڪومت جي ناڪامي جو واضح ثبوت آهي، الله سائين اسان کي هدايت واري رستي جي سُڌ عطا ڪري، آمين۔۔۔ ۽ لواحقين کي صبر جميل جي توفيق عطا فرمائي۔۔۔
50 قيمتي جانيون!!! عقل ڪم ئي نه ٿو ڪري ته هي ڇا ٿي رهيو آهي۔۔

 

[نثارابڙو]

ڪو حڪومت کي گاريون ڏي، ڪو مسلمانن کي گهٽ وڌ ڳالهائي، ڪو مذهبي فرقا پرستيءَ کي ڏوهه ڏي يا وري ڪو ڪيئن چوي ڪو ڪيئن چوي ۔۔۔؟؟؟ پر اصل مسئلو ڇا آهي ۽ انجو حل ڇا آهي؟ انجي پرواه شايد اسان مان ڪنهن کي به ڪونهي ۔۔۔

ڪنهن ملڪ ۾ ڪتو به گٽر ۾ ڪرندو آهي ته حڪومتون ۽ قومون سموري ملڪ جا گٽر ٺيڪ ڪرائي ڇڏينديون آهن ته جيئن آئينده ڪو حادثو نه ٿئي ۔۔۔ پر سنڌ خاص ۽ پاڪستان ۾ عام ڪري ائين ڇو ٿو ٿئي؟۽ ڇا اهو اڄ ٿو ٿئي؟

پاڪستان ٺهڻ کان وٺي اڄ تائين جي تاريخ رت ۽ خون سان ڀريل آهي ۔۔۔ قتلام ايترو ٿيو آهي جو انجو اندازو ڪرڻ مشڪل آهي، پر پوءِ به رڍ جي رڙ ” ٻي “

اسانجي دوست درويش پنهنجي اندر جو ڪرب ڪڍي اسان کي ڏکائتو ڪيو آهي پر هاڻ انهن بمن بارودن ۽ انهيءَ قتلام کي پنهنجو مقدر سمجهي ڇڏيو آهي، ڇاڪاڻ ته پياري پاڪستان جي وجود ۾ رهجي ويل خاميون ۽ کوڙ ساتريون غلطيون اسانجو مقدر آهن،

درويش سائينءَ جا ٻول اسانجي اندر جو آواز

 

[ممتاز قريشي]

اسان ايترا ته بي حس ٿي چُڪا آهيون جو ڪيڏو به وڏو واقعو ٿي وڃي ڪجهه ڏينهن روئي پِٽي ماٺ ڪريو ويهيو رهون۔۔۔ هتي انسانن جو خون پاڻي کان وڌيڪ سستو ٿي ويوآ،لاشن تي سياست ڪرڻ هڪ عام رواج بنجي ويو آ ايتري قدر جو گوليءَ جو ملڻ آسان پر ماني جو ملڻ مشڪل ٿي ويو آ۔۔
ڪراچي اڄ جنهن صورتحال مان گُذري پيو ان تي هر دل رت جا ڳوڙها ته ڳاري ٿي پر حڪومت کان وٺي عام ماڻهو تائين ڪو به پنهجي ذميواري سمجهڻ، ان کي قبول ڪرڻ ۽ ان کي درست ڪرڻ لاءِ ڪوششون وٺڻ لاءِ تيار ناهي۔۔۔!!!