ٻڌڻ به هڪ فن آهي؛

نوٽ؛ هڪ انگريزي ليک تان ترجمو ڪندي ليک کي سنڌي ويس پارايو اٿم ... ڪيتري حد تائين ڪامياب ٿيو آهيان ... سو ته دوست ئي ٻڌائيندا ...
________________________________________
ٻڌڻ به هڪ فن آهي؛
چيو ويندو آهي ته ”ڳالهائڻ معني پوکڻ ۽ ٻڌڻ معني لڻڻ“... ٻڌڻ ٻڌڻ ۾ به فرق هوندو آهي، ڪي ماڻهون ته ٻڌو اڻ ٻڌو ڪندا آهن ته ڪي وري ٻڌي مان ٻيڻا ڪندا آهن ته ڪي وري ان جي اصل روح کي ٻڌي پنهنجو پاڻکي واقف رکندا آهن ...

بزرگن پڻ ٻڌڻ کي انتهائي ڪارآمد انساني خاصيت طور ڪجهه هن ريت بيان ڪيو آهي؛
هي ڪن گڏ هڻان وڪڻي، ڪن ڪي ٻيا ڳنيج،
سندي پريان ڳالڙي ، تنين سين سڻيج..... شاه ڪريم
يا وري
ڪن ٿي ڪيچين ڪڇيو ... شاه لطيف
يا وري چوندا آهن ته ”ٻڌڻ جا ٻه ڪڇڻ جو ڪون“ ...

ٻڌڻ انسان جو هڪ سگهارو هٿيار آهي .... اسان مان هرهڪ چاهيندو آهي ته ڪو اهڙو ساٿي هجي جو اسانجي ٻڌي ۽ اسين پاڻ به ڪوشش ڪندا آهيون ته ڪو ساٿي هجي جنهنجي اسين ٻڌون ...

اوهين پنهنجو جائزو وٺو ... ڪهڙي قسم جي ٻڌڻ وارن ۾ آهيو اوهين ؟

غور ۽ گهرائي سان ٻڌڻ وارا ... خفتي ٻڌڻ وارا ... چونڊ ڳالهين جي ٻڌڻ وارا ... دفاعي ٻڌڻ وارا، خللي ٻڌڻ وارا ... يا عقلمنديءَ سان ٻڌڻ وارا؟

جيڪڏهن اوهانکي ڪجهه اهڙن نقطن جي ضرورت آهي جنهن سان اوهين سٺا ٻڌڻ وارا ٿيو ته حاضر آهن هي ڪجهه سادا ۽ مختصر نقطا ...

1. هڪ ڪهاوت جيئان ته اهو ڪيو جو ٻيا اوهان سان ڪن ... پنهنجو پاڻکي ڳالهائڻ واري جي جاءِ تي رکي ڏسو ...
2. پوري حوصلي سان ان ماڻهونءَ کي ٻڌو جو اوهان سان ڳالهائي رهيو آهي ۽ توجهه ڏيو ... پنهنجي ذهن کي حاضر دماغ ڪريو ته آخر ڳالهائڻ واري جو اصل مقصد آهي ڇا؟ سندس اڻ چيا لفظ به ٻڌڻ جي ڪوشش ڪريو ...
3. ڳالهائڻ واري تي غور ڪيو ڇاڪاڻ ته هو ڳالهائڻ جي دوران ڪجه اهڙيون ڳالهيون به ڪري ويندو آهي جي سندس وات مان نه نڪتيون هونديون آهن مثال؛ سندس لهجو ... هٿن جا اشارا ... منهن جا تاثرات ۽ جسم جي چر پر وغيره ... مطلب ته ڳالهه سمجهڻ جي ڪوشش ڪيو نه ڪي صرف ٻڌڻ جي ...
4. پاڻ ڳالهائڻ کان اڳ ڳالهائڻ واري کي اطمينان سان ڳالهائڻ ڏيو ... ۽ اها پڪ ڪيو ته اوهان سندس ڳالهه کي مطلب سميت سمجهي ورتو آهي ۽ جواب جو اوهان ڏيڻ وارا آهيو سو به خلاصو، کليل ۽ صاف آهي ...
5. جي ڪا ڳالهه اوهان نه سمجهي آهي ته کائنس ٻيهر پڇو جو چوڻي آهي ته پڇڻا نه منجهڻا ... سٺي ٻڌڻي هجڻ لئه اوهانجو تجربيڪار ۽ صبر وارو هجڻ ضروري آهي ...

جي اوهين اهڙي قسم جا ٻڌڻ وارا آهيو ته يقين سان اوهان پنهنجي زندگيءَ کي آسان ڪري رهيا آهيو ۽ ڪاميابيءَ کي دعوت ڏئي رهيا آهيو ....

 

سائين قبلا اوهان جي سمجهاڻي بهترين آهي اميد آهي ته اسين اوهان جي ڏسيل هدايت تي عمل ڪندي ڳالهه ٻڌي سمجهڻ جي ڪوشش ڪنداسين ليڪن جيڪڏهن اسان جي سمجهه ڪوتاه ٿي پوي ته ان جو به ڪو علاج ٻڌائيندا ته سامهون واري جي ڳالهه جي تهه تائين پهچڻ لاء ڪهڙو طريقو اختيار ڪجي ڪڏهن ڪڏهن مان پنهنجي ڳالهه ٿو ڪيان ته غور سان سمجهڻ جي ڪوشش به ڪندو آهيان ليڪن ان ڳالهه جي روح کي نه سمجهي سگهندو آهيان ان جو وظيفو ڪا دوا ٻڌائيندا ڇا ڪاٿي پيري جا آثار ته نه آهن۔

 

سائين تمام پيارو ۽ لاڀائتو ونڊ ڪيو اٿو۔۔۔۔ اميد ته اوهان جي انهن ڳالهين تي عمل پيرا رهبو۔۔۔۔

سائين مولوي صاحب کي وظيفو ضرور ٻڌائيندا۔۔۔۔۔

 

ڀائڙا بلڪل اهي پيريءَ جا آثار آهن ۽ ٻيو ته شايد اوهان سان جو موضوع بحث ڪيو ويندو هجي جنهن سان اوهانجي ڪا دلچسپي نه هجي ... ٻي ڳالهه ته ٻڌڻ وقت اوچتو ذهن ڪنهن ٻي چنتا کي سوچي وٺندو آهي ان دوران ڳالهائڻ وارو ڪو اهڙو لفظ ڳالهائي وٺندو آهي جنهن ۾ ڳالهه جو مغز هوندو آهي ۽ اوهان اهو ٻڌندا ناهيو ...

باقي، دوست! نيم حڪيم خطرا ئي جان جو نسخو حاضر آهي ... روز مٿي کي زيتون جي تيل يا بادام جي تيل يا ڏونگيءَ جي تيل يا وري سرنهن جي تيل جي مالش ڪريو ... سير بادام جو وٺي رکو روز ڪجهه باداميون کائو ... ست مغز گهوٽي رکو، انجي ڦڪي به روزانو هڻندا رهو ... سچي گهه جو مٽ ڀرائي رکو ... ان ۾ چوريون ڪري کائو ... مصريءَ جو مڻ گهر ۾ وٺي رکو ... روزانه مصريءَ جو شربت پيئو ...

دوست اڃان به جي فائدو نه ٿئي ته آخري نسخو ته اهو ئي آهي جيئن هيٺ وارو عمل ٿي رهيو آهي، معاف ڪجو اهو آخري عمل آهي ... ڀوڳن ۾
asul mattasul mattasul mattasul mattasul mattasul matt

sindhsalamatsaathsal

 

تمام بهترين ونڊ آهي مون جي خيال ۾ سائين پر سائين رحيم بخش جي لا۽ هيٺيون نسخو بهترين آهي وڌيڪ سائين رحيم بخش جي مرضي ...........

سدائين گڏ


سائين اهڙو نسخو اسان جي دوست عبدالوهاب کي به ٻڌائجو ته ڪجهه فرق پويس باقي ............... اسان کان چڙهيل آهي

سدائين گڏ

 

سائين توهان جو نسخو لاجواب آهي پر هيٺيون نسخو هڪ ٺپ آهي نه رهيگا بانس نه بجيگي بانسري۔