خوشبو خوشبو خيال

خوشبو خوشبو خيال

تنوير عباسي​

2344 اٽيچمينٽ ڏسو 2344 اٽيچمينٽ ڏسو 2344 اٽيچمينٽ ڏسو ​

جهڙ ٿيو مينهن ٿو وسي سائين​

ڪوئي دل منهنجي ٿو کسي سائين​

ڀل چوي پوءِ چنڊ کي سهڻو​

پهرين منهنجو پرين پسي سائين​

ڀٽڪي ڀٽڪي مان واٽ ملندس نيٺ​

مون کي ڪوئي ڪجهه نه ڏسي سائين​

ڪهڙي امرت جي آ طلب ان کي​

تنهنجي چپڙن تي جو رسي سائين​

هن حياتيءَ تي ڀروسي ٿي ويو​

پيار جي ئي ته ڀروسي سائين.​

`````````````````​

​

تنهنجي نيڻ نهار،​

جهڙي مند بهار،​

کڻ اکيون کِل يار تون.​

وِهه وهاٽيل تو بنا،​

لڳي سڄو سنسار،​

کڻ اکيون کِل يار تون.​

تنهنجا ٽهڪ ٽڙي پيا،​

من تان لٿو غبار،​

کڻ اکيون کِل يار تون.​

جيئڻ سڀ جو جڳ ۾،​

الفت جي آڌار،​

کڻ اکيون کِل يار تون.​

سڪ وارن جي سوچ آ،​

دين دنيا کان ڌار،​

کڻ اکيون کِل يار تون.​