ٽوڪيو( سنڌ ٽاڪس نيوز) مڇيون اڏامي به سگھن ٿيون ٽوڪيو ۾ ان نظاري ماڻهن کي حيران ڪري ڇڏيو آهي. ٽوڪيو ۾ اهڙيون مڇيون ڏٺيون ويون آهن جيڪي اڏامي به سگھن ٿيون جاپاني تحقيق ڪندڙن موجب اسڪويڊ فش نالي هن مڇي جي رفتار تيز ترين آمريڪي “اوسان بولٽ” جي رفتار کان ٿوري ئي تيز آهي يوڪائيڊو يونيورسٽي جي رسرچ ڪندڙ جم ياما موتو جو چوڻ آهي ته اسڪويڊ جي باري ۾ مشهور آهي ته اها مڇي هوا ۾ اڏامندي آهي پر ڪو به ان ڳالھ جي وضاحت ناهي ڪري سگھيو ته اهي ڪيئن اڏامنديون آهن، هن دعويٰ ڪئي آهي ته هنن ان مڇي جي اڏامڻ جي ميڪانزم بابت پتو لڳائي ورتو آهي. سندس چوڻ آهي ته هي مڇي پاڻي ۾ پنهنجو پڇ تيزي سان گھمائيندي آهي ۽ جھٽڪي سان جيٽ جهاز جيان نڪرندي هوا ۾ ترڻ لڳندي آهي. هي اسڪويڊ فش 11.2 ملي ميٽر في سيڪنڊ جي رفتار سان اڏامي سگھي ٿي ۽ ان جي اڏام 30 ميٽرن کان وڌيڪ نه هوندي آهي. ماهرن جو چوڻ آهي ته اهو پهريون ڀيرو آهي جو ڪنهن اسڪويڊ جي اڏامڻ جي ميڪنازم جي وضاحت ڪئي آهي. ياماموتو ۽ سندس ٽيم ٽوڪيو جي 600 ميٽر سمنڊ ۾ جاپاني اسڪويڊ مڇين تي مشاهدو ڪيو.
