ويهين صدي جي مهان ڪوي شيخ اياز جي وڇوڙي کي 12 سال مڪمل، سنڌ جا ناليوارا اديب، دانشور ۽ شاعر اڄ ڀٽ شاهه ۾ سندس آخري آرامگاهه تي حاضري ڀريندا، ان ڏس ۾ سنڌي ٻولي جي عظيم شاعر شيخ اياز 28 ڊسمبر 1997ع تي ڪراچي ۾ لاڏاڻو ڪيو هو، کيس وصيت موجب ڀٽائي جي نگري ۾ ڪراڙ ڍنڍ جي ڪپ وٽ مٽيءَ ماءُ حوالي ڪيو ويو، سندس ٻارهين ورسي جي موقعي تي سنڌي ٻولي اختياري، سنڌي ادبي سنگت حيدرآباد، سنڌ جي اديبن ۽ شاعرن پاران سندس آخري آرامگاهه تي پهچي گلن جون چادرون چاڙهيون وينديون، شيخ اياز 2 مارچ 1923ع تي اک کولي، هن پنهنجي 75 سالن جي عمر ۾ نثري نظم، بيت، غزل ۽ وائي سميت هر صنف جي شاعري ڪئي ۽ ڪهاڻيون پڻ لکيون، سنڌ يونيورسٽي جو وائيس چانسلر رهندڙ شيخ اياز ڪامياب وڪيل طور پڻ سڃاتو ويندو هو، هوڏانهن شيخ اياز فائونڊيشن جي اڳواڻ نصير مرزا موجب سنڌ ثقافت کاتي ۽ شيخ اياز فائونڊيشن پاران اڄ ڏهين محرم الحرام سبب سڀاڻي شيخ اياز جي مزار تي گلن جون چادرون چاڙهيون وينديون، هوڏانهن ناليواري اديب تاج جويو ٻڌايو ته يوم عاشور جي تقدس سبب ورسي جي ڪا به خاص تقريب منعقد نه ٿيندي، مزار تي مختلف ادبي ۽ ثقافتي تنظيمن پاران حاضري ڀري گلن جون چادرون چاڙهيون وينديون
ڪاوش
