ڏنگي ۽ ڀنڊاڙ تي هڪ دفعو ٻيهر هٿياربند پهچي ويا ابراهيم حيدري لڳ سمنڊ ۾ موجود ٻن تاريخي ٻيٽن ڏنگي ۽ ڀنڊاڙ جي وڪري بعد ڪالهه اڻڄاتل هٿياربند هڪ دفعو ٻيهر ٻيٽن تي پهچي ويا، ٻيٽن تي موجود مهاڻن جون جهڳيون ڊاهي پٽ ڪري ڇڏيون ۽ مقامي مهاڻن کي بيدخل ڪرڻ بعد ڪئمپون قائم ڪري ورتيون آهن، اهڙي عمل خلاف رهواسين ۽ هٿياربندن وچ ۾ سخت ڇڪتاڻ ٿي پئي جنهن جي نتيجي ۾ اوپرن ماڻهن هٿيارن جي زور تي مقامي ماڻهن کي گهلي ڌڪا ڏئي تذليل ڪندي واپس اچڻ تي سخت نتيجا ڀوڳڻ جو چتاءُ ڏنو. آمريڪي ڪمپني جي مالڪ ٿامس ڪريڪر ۽ پاڪستاني بلڊر ملڪ رياض پاران سامونڊي ٻيٽن کي خريد ڪرڻ واري معاهدي بعد ٻيو ڀيرو هٿياربندن ٻيٽن تي پهچي قبضي جي ڪوشش ڪئي آهي. واضح رهي ته ڪجهه هفتا اڳ ڄاڻايل ٻيٽن تي ساڳيائي اوپرا ماڻهو هٿيارن سميت ٻيٽن تي پهتا هئا جن کي مقامي مهاڻن سخت مزاحمت ڪندي ڀڄڻ تي مجبور ڪري ڇڏيو هو ۽ هينئر هڪ ڀيرو ٻيهر باقائده تياري سان ٻيٽن تي پهچي ويا آهن
اتان جي مقامي ماڻهن کي گهرجي ته سمنڊ اندر انهن جو گهيرو تنگ ڪري سمنڊ ۾ ئي مزاحمت ڪري انهن کي سيکت ڏين ته وري ڪڏهن اهڙا ماڻهو اتي وڃڻ کان اڳ هزار ڀيرا سوچڻ تي مجبور ٿي وڃن۔
