صدر آصف زرداري بلاول کي پرچائڻ ۾ ناڪام بلاول پ پ جي چونڊ مهم ۾ شرڪت کان انڪار ڪري ڇڏيو آصفا کي چونڊ مهم ۾ شامل ڪرڻ تي غور شهيد بينظير ڀٽو جو موڀي پٽ ۽ پ پ جو سرپرست اعلى بلاول ڀٽو زرداري سندس ڪجھه ڏنل نالن کي نوڪريون ڏيڻ کان انڪار ۽ سندس خواهش موجب ڪجھ تڪن تي ٽڪيٽون نه ڏيڻ واري معاملي تي ڪاوڙجي چونڊ مهم جو بائيڪاٽ ڪري دبئي هليو وڃڻ وارو معاملو ميڊيا ۾ اچڻ بعد صدر آصف زرداري گذريل ڏينهن کيس پرچائڻ لاءِ دبئي ويو هو جتي ذريعن جي اطلاعن موجب هن پنهنجي پٽ کي سمجھائڻ لاءِ سنڌ ۾ سکر سميت مختلف تڪن تي پيدا پارٽي اڳواڻن ۾ پيدا ٿيل اختلافن جا مثال ڏيندي چيو ته هو نٿو چاهي ته بلاول اٿندي ئي تضاد جو شڪار ٿئي.ذريعن موجب بلاول ڀٽو زرداري پيءُ جي دليلن مان مطمئن نه ٿيو ۽ ڪنهن به صورت ۾ ايندڙ چونڊن ۾ پ پ جي چونڊ مهم جي قيادت نه ڪندو ۽ هو پنهنجي ان فيصلي تي هر صورت ۾ قائم رهندو. ذريعن موجب صدر زرداري بلاول جي اهڙي فيصلي کان مايوس ۽ نااميد ٿي واپس ڪراچي روانو ٿي ويو آهي. ذريعن وڌيڪ ٻڌايو آهي ته صدر زرداري بلاول جي اهڙي فيصلي بعد ڌيءَ آصفا ڀٽو زرداري کي چونڊ مهم ۾ شامل ڪرڻ تي غور ڪري رهيو آهي جنهن لاءِ هن دبئي ۽ جهاز مان ڪجھه ويجھن ساٿين سان رابطا پڻ ڪيا آهن.
ادا جت اسان جي سوچ ختم ٿيندي آهي اتان سياستدانن جي سوچ شروع ٿيندي آهي۔ ٿئي سگهي ٿو ته ان ۾ به ڪا سياسي چال هجي۔ ۽ هڪ نئون ڍونگ هجي۔ باقي الله بهتر ٿو ڄاڻي۔
