وڃان مان وڪامي اهو ڪيئن ٿيندو ؟ قبوليان غلامي اهو ڪيئن ٿيندو ؟ ڪو ڏيئو ته ناهيان جو هڪ ڦوڪ سان ئي ، وڃان مان اُجهامي اهو ڪيئن ٿيندو ؟ سنڌ جي غدارن جو ٿيان مان سلامي اهو ڪيئن ٿيندو ۔۔۔!!! استاد بخاري
(اسان جو علاج) نه روئڻ پٽڻ ۾ اسانجو علاج، نه سٿرون ڪٽڻ ۾ اسانجو علاج، ڌيون، پٽ، سڀئي سنڌ ڌرتئ ڄڻيا، اٿي پئو ، اٿڻ ۾ اسانجو علاج (استاد بخاري)
بهترين استاد چوي ٿو اغيار سان اقرار اهو ڪيئن ٿيندو ؟ ۽ يار سان انڪار اهو ڪيئن ٿيندو ؟ استاد بخاريء کي ڀلي دفن ئي ڪيو ؟ ڌرتيء کان مگر ڌار اهو ڪيئن ٿيندو ؟
جَلَ ٿَلَ جھولي، ڏونگر ڏولي، او لوءِ لوئان لولي! آمر نه ٻوليون ٻي ڪا ٻولي. منڇر، ڪينجھر سنڌو، ساگر، گج گج لهرون، ڇم ڇم ڇولي. او لوءِ لوئان لولي! آمر نه ٻوليون ٻي ڪا ٻولي. پَٽَ جو پَٽڪو، پَٽَ جي پوتي، ڍَٽَ جو ڍولو، ڍٽ جي ڍولي، او لوءِ لوئان لولي! آمِر نه ٻوليون ٻي ڪا ٻولي. شهر وارن سيني سانڍي، ڳوٺن ۾ ڳڻوانن ھولي، او لوءِ لوئان لولي! آمِر نه ٻوليون ٻي ڪا ٻولي. پنهنجي ٻولي، ٻول بخاري، سُهڻي سُرهي سچي سولي، او لوءِ لوئان لولي! آمِر نه ٻوليون ٻي ڪا ٻولي.
