ھوڏانھن ھُنِ ھاڪارِيو، ھيڏانھن ھِي ھَڻَنِّ؛ سُــــــرِنـــايُـون ۽ سُنـــــڌِڙا، ٻِنِيـن پــــارِ ٻُـرَنِّ؛ گھــوٽَنِ ۽ گھــــوڙَنِّ، رِڻَ ۾ لائُـــــون لَــڌِيُــون . سر ڪيڏارو سلامت رهن ٿيون اهو قومون جيڪي پنهنجي هار کي به جيت ۾ بدلائن ٿيون ... سلامت رهن ٿيون اهي قومون جيڪي پنهنجي سورهيائيءَ سان ڳاٽ اوچا ڪري هلن ٿيون ... سلامت رهن ٿيون اهي قومون جيڪي دشمن جي دلين ۾ پنهنجي دليريءَ جي دهشت ويهارين ٿيون ... سلامت رهن ٿيون اهي قومون جيڪي موت جي منهن ۾ زندگيءَ جا گيت ڳائن ٿيون. تاريخ ثابت ڪيو آهي ته جن قومن هار نه مڃي، جن قومن هٿيار ڦٽا نه ڪيا، جن قومن موت ته قبول ڪيو پر دشمن تي وار ڪرڻ نه ڇڏيا ... تن قومن ئي پنهنجو پاڻ بچائي ورتو آهي ... تن قومن ئي تاريخ ۾ جاءِ والاري آهي ... سنڌ کي به هن وقت اهڙن ئي گهوٽن جي گهرج آهي جيڪي موت جي منهن مان سنڌ جي حياتي کسي وٺن
