هڪ صدي کان وڌيڪ ڄمار رکندڙ 3844 ووٽر 2520 اٽيچمينٽ ڏسو پاڪستان ۾ ايندڙ چونڊن ۾ هڪ سئو سال کان وڌيڪ عمر وارا 3 هزارن کان وڌيڪ ماڻهو ووٽ جو حق استعمال ڪندا. اليڪشن ڪميشن جي جوڙيل ووٽر لسٽن موجب اهڙن ووٽرن جو انگ 3844 آهي. جيڪي ڪل ووٽرن جي تعداد جو 0.005 سيڪڙو آهن. تن ۾ 1852ع مرد ۽ 1992 عورتون آهن. وڏي ڄمار وارن ووٽرن جو سڀ کان وڌيڪ انگ پنجاب ۾ موجود آهي. جن جو ڪل تعداد 2524 آهي. جن مان 1266 عورتون ۽ 1258 مرد ووٽر آهن. بلوچستان ۾ 263 ماڻهو هڪ سئو سالن کان وڏي عمر جا آهن جن ۾ 123 مرد ۽ 140 عورتون ڄاڻايون ويون آهن. اهڙي ريت وفاق جي انتظام هيٺ قبيلائي علائقن ۾ ڪل 16 ماڻهو سئو سالن کان وڏا آهن جن مان 6 عورتون ووٽر آهن. وفاقي راڄڌاني اسلام آباد ۾ 18 منجهان 7 عورتون ۽ 11 مرد آهن جن جي عمر هڪ سئو سال کان مٿي ٻڌائي پئي وڃي. خيبر پختونخواهه ۾ هنن ووٽرن جو تعداد ساڍا 3 سئو آهي جن مان 180 عورتون آهن. سنڌ صوبي ۾ هڪ سئو سال کان وڏي عمر رکندڙن جو ڪل انگ 637 آهي جن ۾ 393 عورتون آهن.
