عبدا لغني لوهار مڪي پاڪ ۾

[نثارابڙو]

سنڌ سلامت جو پيارو دوست عبدالغني لوهار سنڌ کان ڪهي مڪي پاڪ ۾ عمري جي سعادت لاءِ آيل آهي، سندس لک لائق جو اطلاع ڪيائين، جنهن کانپوءِ ملاقات به ٿي، چانهن چسڪيون به ورتيون سين ۽ حالي احوالي به ٿياسين ...​

عبدالغني لوهار جهڙو ڏسڻ جو نج پج سنڌي، تهڙو ملڻ جو نج پج سنڌي ۽ تهڙو ئي وري ڳالهائڻ ۾ مٺاس اٿس ... سهڻو سلڇڻو، مٺڙو ۽ ايمان وارو شخص آهي، سدائين ٻهڪندو رهندو آهي ۽ سنڌ لاءِ محبتون نڇاور ڪندو رهندو آهي ...

سنڌ سلامت جنهن جاءِ تي ادبي، تاريخي ۽ ٻوليءَ جي خدمت ڪري ٿي ساڳي جاءِ تي دوستين وڌائڻ جا به ڪيترائي موقعا ميسر ڪيا اٿس ۽ سموري دنيا مان ڪيترائي سهڻا دوست ملايا اٿس ...

لک قرب دوست عبدالغني لوهار جا جنهن منهن ڏيکاري سنڌ ڌرتيءَ جي مٽيءَ سان ڀاڪر پائڻ جو شرف ڏنو ....

ٿورا ناهن ٿورا ...​

 

[منظور ڪلهوڙو]

ڏاڍي خوشي جي ڳالهه آهي ته سنڌ سلامت جا سڄڻ هڪٻئي سان ملاقاتون ڪري محبتون ونڊن ٿا۔۔شل اهي محبتون ۽ ميلا سدائين قائم هجن۔۔ڇو ته اهي ميلا ئي سنڌ ڌرتي جي اصل سڃاڻ آهن۔۔کلندا، ڪُڏندا رهو، ڀاڪرين ڀري محبوبن کي، محبتون ونڊيندا رهو۔ اسان کي به ساٿ ۾ شامل سمجهجو۔

 

[ممتاز قريشي]

الله جي محبوب جي ديس جي ڇا ڳالهه ڪجي۔۔۔۔ڀلا نصيب انهن جا۔۔جيڪي مڪو ۽ مدينوپاڪ ڏسن ٿا۔۔ اُتي رهن ٿا۔۔اهي گهٽيون، اهي رستا جن تي مٺي محمد صلي الله عليه وآله وسلم جن پنڌ ڪيو۔۔سندن قدم مبارڪ جي لڳڻ سان انهن شهرن جي زمين دنيا جي هر شهر جي زمين کان اُتم آهي، مقدس آهي۔۔ ۔

 

[سليمان وساڻ]

تمام سٺو ۔۔۔۔ ويندي وقت ڀاء عبدالغني مونسان سچل ڳوٺ ۾ ملندو ويو هو، اهي سندس قرب ۽ محبتون آهن جو سنڌ سلامت جي ساٿ سان عراق هجي يا سنڌ يا وري سعودي عرب سڀني کي ڳولهي ملندو آهي۔

سدا سکيا هجو ۽ دعائن ۾ ياد ڪجو۔

 

[ڦلپوٽو فقير]

سنڌ سلامت ساٿ سلامت

هميشه اهي محبت ڀريون ڪچهريون قائم ۽ دائم هجن