معاف ڪجو دوست جو موضوع ڏسي به سائين عتيق الرحمان جي ڳالهه وانگر لائيٽ نه هجڻ ڪري تڪڙو جواب نه ڏئي سگهيس۔۔۔
خير توهان کي ٻڌائيندو هلجي ته اڪثر سافٽويئر انسٽال ڪرڻ جي دوران دوست انسٽاليشن وزارڊ کي پڙهڻ بجاءِ بس نيڪسٽ نيڪسٽ بٽڻ تي ڪلڪ ڪندا ويندا آهن ۔۔ نتيجي طور بيخيالي ۾ سافٽويئرس انسٽال ٿيڻ سان گڏو گڏ کوڙ غير ضروري شيون پڻ انسٽال ٿيو وڃن۔۔۔ اهڙيون شيون اڪثر برائوزرس کي متاثر ڪنديون آهن۔۔ جهڙوڪ۔۔ ڊيفالٽ سرچ انجڻ جي تبديلي، هوم پيج جي تبديلي، اضافي ٽيبس جو اسٽارٽ اپ ۾ اچڻ ۽ قسمين قسمين جا ٽولبار۔۔۔
ان ڪري دوستن کي صلاح آهي ته نئون سافٽويئر انسٽال ڪرڻ وقت بس ڪجهه سيڪنڊن لاءِ ئي سهي انسٽاليشن تان ڌيان نه هٽائين۔۔۔
منهنجي نظر ۾ هن جا ٻه حل آهن۔۔۔
فائرفاڪس کوليو۔۔ ۽ يو آر ايل ۾
about:config لکي انٽر پريس ڪريو۔۔۔ سامهون کلندڙ وارننگ پيج کي تسليم ڪندڙ بٽڻ تي ڪلڪ ڪندي اڳتي وڌو ۽
browser.sessionstore.max_concurrent_tabs ڳوليو يا وري سرچ بار ۾ هتان ڪاپي ڪري پيسٽ ڪريو ۽ ڳوليو۔۔۔ آپشن تي ڊبل ڪري سندس ويليو 0 ۾ تبديل ڪريو ۔۔ فائر فاڪس کي ريسٽارٽ ڪريو۔۔۔ اميد ته هن دفعي مسئلو نه ايندو۔۔
جيڪڏهن پهريون حل سمجهه ۾ نه اچي ته ٻئي ۽ نسبتن آسان حل طرف اچو۔۔۔
Firefox بٽڻ تي ڪلڪ ڪري
Options چونڊيو ساڳيو طريقو ٽولز مينو تي ڪلڪ ڪري حاصل ڪري سگهجي ٿو۔۔ سامهون ايندڙ ڊائلاگ باڪس مان
General تي رهي ڪري
Don't load tabs until selected کي چيڪ لڳايو۔۔
ياد رهي ته ساڳيو آپشن فائرفاڪس جي اپڊيٽ ورشن ۾ وري جنرل جي ڀرسان موجود
tabs آپشن ۾ موجود آهي ۔۔۔ جنهن تي چيڪ لڳايو۔۔۔ اوڪي بٽڻ پريس ڪريو۔۔ ۽ فائرفاڪس کي ريسٽارٽ ڪريو۔۔۔
اميد ته مسئلو حل ٿي ويندو ۔۔۔ نه ته ٻيهر
عبدالرحيم جي سوالن جا جواب لکي تفصيل ٻڌايو۔۔۔
