اپريل جو مهينو

[منظور ڪلهوڙو]

اپريل جو مهينو قاتل مهينو ،ڪيئي سڄڻ وڇڙيا اپريل ۾​

رهبر سنڌ، ڀٽو ۽ حسين ساريو ،وڇڙي ويااپريل ۾​

پنهنجا ويجها، رت جا رشتا هنياءُ ڏاري ويا اپريل ۾​

الطاف عباسي،اختر ڪلهوڙو شهيد ٿيا اپريل ۾​

جيجل ماءُ جون هنجون خالي ٿيون اپريل ۾​

ڪهڙا نه ڪهڙا گهاءُ مليا سنڌ جيجل کي ​

اهي سڀ سور سهيا سين ، سيني منجهه اپريل ۾،​

سنڌ جو هڪ ارڏو جوڌو هو، هر ماءُ جي اک جو تارو هو​

هر ڀيڻ جو ڀورل ڀاءُ هيو، سنڌين جو هڪ پساهه هيو​

ڌارين لاءِ ڄڻ دولهه جي للڪار هيو​

ويرين لئه ڄڻ ڪو گهاء هيو، دودي جي تلوار هيو،​

اهڙو ڪونڌر به ڪاري رات ۾ ڪُٺو ويو اپريل ۾​

سيد ۽ بشير جي وڇوڙي جي سوڳ ۾ اڃا سنڌ هُئي​

هن سال به ويندي ويندي ڪونڌر ڪُٺا اپريل ۾ ​

​

منظور ڪلهوڙو​

​

​

​

 

[عبدالڪريم چانڊيو]

هر ڏينهن ،هر مهينو ڪنهن نه ڪنهن جي لا ڪي خوشيون يا ڪي ڏک کنيون ٿو اچي ۔انهن خوشين ۽ ڏکن کي ساه سان سانڍي هلڻو آ۔ ان جوئي نالو زندگي آهي ۔

 

[منظور ڪلهوڙو]

هر ڏينهن ،هر مهينو ڪنهن نه ڪنهن جي لا ڪي خوشيون يا ڪي ڏک کنيون ٿو اچي ۔انهن خوشين ۽ ڏکن کي ساه سان سانڍي هلڻو آ۔ ان جوئي نالو زندگي آهي ۔

ها سائين اهو ئي ته زندگيءَ جي ڪارونهوار آهي۔۔بس ڪي گهڙيون لڙڪ ڏئي وينديون آهن ته وري ڪي لمحا ٽهڪڙا ارپي ويندا آهن۔

 

[سليمان وساڻ]

اپريل جي ڳالهه ڪبي ته اوهان جون سٽون دل کي جهورين ٿيون ۔۔۔ اپريل ۾ وڇڙندڙ ڪجهه شخصيتن جا نالا :

پهرين اپريل تي محقق ۽ تاريخدان پير حسام الدين راشدي جو لاڏاڻو ٿيو.

2 اپريل 2005ع شاعر محسن ڪڪڙائي جو لاڏاڻو ٿيو.​

4 اپريل 1979ع ملڪ جي پهرين چونڊيل وزير اعظم ذوالفقار علي ڀٽو کي اڍيالا جيل راولپنڊي ۾ ڦاسي ڏئي شهيد ڪيو ويو.​

4 اپريل 2008ع ريڊيو ۽ ٽي وي جي مشهور اداڪار انور سولنگي جو انتقال ٿيو.​

6 اپريل 2011ع ناليواري اسڪالر، اديب ۽ محقق ڊاڪٽر نبي بخش بلوچ جو لاڏاڻو ٿيو.​

7 اپريل 2012ع قومپرست اڳواڻ شهيد بشير قريشي جو لاڏاڻو ٿيو.​

8 اپريل 2011ع ناليوارو اداڪار حسين ساريو ڪراچي جي اسپتال ۾ وفات ڪري ويو.​

9 اپريل 1996ع گلوڪار قمر سومري جو انتقال ٿيو.​

9 اپريل 1997ع قنمبر سان تعلق رکندڙ ليکڪ، اديب، محقق ۽ سماجي ورڪر ڊاڪٽر محبت ٻرڙو جو لاڏاڻو ٿيو.​

13 اپريل 1968ع اسڪالر، فلاسافر ۽ تعليمدان علامه آءِ آءِ قاضي جو انتقال ٿيو.​

13 اپريل 1987ع گلوڪاره بيگم فقيرياڻي جو لاڏاڻو ٿيو.​

14 اپريل 1992ع ڪهاڻيڪار، نقاد ۽ ماهوار سهڻي جي ايڊيٽر طارق اشرف جو لاڏاڻو ٿيو.​

14 اپريل 2007ع اڳوڻي وڏي وزير سيد عبدالله شاهه جو انتقال ٿيو.​

16 اپريل 1987ع سنڌي ساز مُرلي جي جادوگر اقبال جوڳي جي وفات ٿي.​

16 اپريل 2013ع ڪامريڊ مير محمد ٽالپر (ٽنڊو ڄام) وفات ڪري ويو۔​

21 اپريل 2007ع محقق، سائنسدان ۽ اسڪالر ايم ايڇ پهنور جو انتقال ٿيو.​

21 اپريل 2011ع باکڙي موري ويجهو سنڌ جي سپوتن شهيد سرائي قربان کهاوڙ ، روپلي چولياڻي ۽ نورالله تنيي کي گوليون هڻڻ بعد جيئرو ساڙي شهيد ڪيو ويو.​

22 اپريل 2012ع تي گلوڪار ماسٽر منظور جو سندس ئي گهر مان گولي لڳل لاش مليو.​

23 اپريل 1999ع ليکڪ ڪيهر شوڪت (آگاڻي) لاڏاڻو ڪري ويو.​

24 اپريل 2003ع سنڌي ۽ اردو ڊرامن جي مشهور اداڪاره شهزادي جي وفات ٿي.​

25 اپريل 1995ع عالم، اديب، سياستدان ۽ سنڌ جي رهبر سائين جي ايم سيد جو لاڏاڻو ٿيو.​

27 اپريل 1766ع مذهبي اسڪالر مخدوم عبداللطيف بن مخدوم محمد هاشم ٺٽوي جو لاڏاڻو ٿيو.​

29 اپريل 2003ع لوڪ گلوڪاره مائي الهه وسائي جي وفات ٿي.​

 

[منظور ڪلهوڙو]

22 اپريل 2011 تي ٽي وي جي نامور اداڪار معين اختر لاڏاڻو ٿيو
ڪجهه ڏينهن اڳ اپريل جي ئي مهيني ۾ سنڌ جي ٻن سپوتن کي گوليون هڻي ماريو ويو۔