منهنجو حق هتي رک

[منظور ڪلهوڙو]

منهنجو حق هتي رک​

​

تو سنڌ لُٽي​

تو سنڌ کپائي​

تو ٻيٽ وڪيا​

مان خاموش رهيس​

تو ڌرتي ڌڻين کي سُور ڏنا​

مائرُن کي تن جي پٽڙن جا​

رت ۾ ريٽيل لاش ڏنا​

مان خاموش رهيس​

تون پنهنجو هوندي، ڌاريو بڻجي​

هن قوم کي پل پل تو پُور ڏنا​

مان خاموش رهيس​

سنڌ جو هاري، سنڌ جو ناري​

اڄ به تنهنجي جُتيءَ هيٺان​

دورِ جديد کان ٻچڙا تِن جا​

اڄ به ڪوهين ڏور ڏٺا​

مان خاموش رهيس، خاموش رهيس​

​

هاڻ نه مان خاموش ٿيندس​

هر هاري ناري وٽ ويندُس​

اُٿ وڏيري جي پِيرن هيٺان​

کڻ ڪُهاڙي، هڻ ڪوڏاري​

ڌرتي جي اُپت کڻ تو هاري​

کيڙي سو کائي جو نعرو هڻي​

اڄ تون وڏيري کي للڪاري چئو​

وقت بدلجي ويو آ​

دنيا ترقيءَ ڪئي آ​

تون صدين کان منهنجو رت پيتو​

مان صدين کان تو وٽ قرضي آن​

اڄ منهنجو ٻچو پڙهي لکي​

اهو نعرو بلندو ڪندو سدا​

منهنجو حق هتي رک.​

هاڻ نه مان خاموش ٿيندس​

هر هاري ناري وٽ ويندس​

اهو نعرو بلند ڪبو سدا​

منهنجو حق هتي رک​

منهنجو حق هتي رک.....منظور ڪلهوڙو​