تقريبن گذريل هڪ سال کان مان انٽرنيٽ لاءِ پي ٽي سي ايل جي ايوو استعمال ڪندو آهيان۔۔۔ گورنمينٽ ملازمن ۽ شاگردن لاءِ پيڪيج 1000 کان 1200 روپيه في مهينو آهي۔۔۔ پي ٽي سي ايل وارا آئي ڏينهن ڪجهه ناپسنديده سائيٽس کي بلاڪ ڪندا رهندا آهن جنهن ۾ ايڊلٽ سائيٽس کان علاوه اينٽي گورنمينٽ سائيٽس پر ان باوجود ڪنهن وڏي ري ايڪشن کان بچڻ لاءِ مشهور سائيٽس جهڙوڪ فيسبوڪ وغيره کي بند نه ڪيو ويندو آهي۔۔۔ پر گذريل ٻن ڏينهن کان مون وٽ مسئلو اچي رهيو آهي ۔۔۔ ايوو سان ڪنيڪٽ ڪرڻ کان پوءِ ڪڏهن گوگل سائيٽ نه ٿي کُلي ته ڪڏهن فيس بوڪ ۽ اڪثر ڪري سنڌ سلامت فورم ته کُلي ئي نه ٿو۔۔۔ اهڙي صورتحال ۾ هر وقت فيس بوڪ تي ويٺل ادا علي علي کان يا وري ادا عبدالحفيظ لغاري کان پڇندو آهيان ته توهان وٽ سنڌ سلامت برائوز ڪري پئي۔۔۔ سندن هاڪاري جواب مون کي اڃان منجهائي وجهندو آهي۔۔۔ وري سنڌ سلامت جي اسٽيٽڪس تي نظر وجهڻ سان خبر پئي ٿي ته گذريل 24 ڪلاڪن ۾ رڪنن جي لاگ ان ٿيڻ جو انگ پڻ گهٽ آهي۔۔۔ ان مان ظاهر ٿئي پيو ته مسئلو رڳو مون سان ناهي۔۔ گهڻو ڪري ايوو کي ڊسڪنيڪٽ ڪري وري ڪنيڪٽ ڪرڻ سان مسئلو حل ته ٿئي ٿو پر پهرين واري ڪنيڪٽ ٿيڻ سان کلندڙ فيس بوڪ ۽ نه کلندڙ سنڌ سلامت ٻئي واري ڪنيڪٽ ڪرڻ سان سنڌ سلامت کُلڻ ۽ فيس بوڪ نه کُلڻ جي صورتحال آڻي ٿو۔۔۔ خبر ناهي حڪومتي ادارا ڇا ڪري رهيا آهن۔۔۔ يا وري اهو مسئلو صرف مون سان آهي۔۔۔ دوستو توهان ڏسيو ڇا توهان سان ڪا اهڙي صورتحال آهي۔۔۔؟
ادا۔۔۔ڪمپيوٽر ۾ وائرس اچي ويو هوندوَ۔۔۔۔هڪ ڀيري مونسان به اهڙي ئي قسم جو مسئلو ٿيو هو۔۔۔۔گوگل برائوزر کي اَن انسٽال ڪري وري فريش ڊائونلوڊ ڪيم ته مسئلوحل ٿي ويو۔۔توهان به برائوزر تبديل ڪريو يا ري انسٽال ڪري ڏسو۔۔متان ڪم ٿي وڃي۔۔۔
ادا اهو مسئلو مون سان پڻ آهي مان پاڻ ايوو استعمال ڪندو آهيان پر ڪجهه ڏينهن کان برائوزنگ نه پئي ٿئي آخر ڪار اڄ ڪمپلين درج ڪرايم ته خبر پئي ته ايوو تي بيڪ ڊور ۾ ڪم پيو هلي ان ڪري اهو ايرر اچي پيو ڪجهه ئي ڏينهن ۾ اهو ايرر دور ٿئي ويندو مهرباني
دوستن جي صلاحن جي مهرباني۔۔۔ ادا ڦلپوٽو درست چيو۔۔۔ آخر تنگ ٿي جڏهن مون به ڪمپلينٽ درج ڪرائڻ گهري ته ۔۔۔ پي ٽي سي ايل طرفان سروس سينٽر جي نمائندي سان ڳالهائڻ کان اڳ ئي معزرتون ڪيو پئي ويون۔۔۔ خير مسئلو ڪافي حد تائين حل ٿي چڪو آهي۔۔۔
