نوٽ؛ سعودي عرب ۾ ڪيترن سالن کان سنڌين جي ڪنهن گڏيل تنظيم جي کوٽ کي محسوس ڪندي، هيٺ ڄاڻايل تنظيم جو بنياد وڌو ويو آهي ... سعودي عرب ۾ رهندڙ ۽ سنڌ جا دوست اميد ته هن ساٿ کي مضبوط ۽ سگهاري ڪرڻ لاءِ پنهنجي اخلاقي ساهتا مهيا ڪندا .... اچو ڙي سورن واريون ڪريون سور پچار ... شاه سنڌي سماجي سنگت – سعودي عرب بنيادي گڏجاڻيءَ جي مختصر رپورٽ؛ بتاريخ؛ جمعو، 3 مئي 2013 تي جده/مڪه ۾ رهندڙ هيٺين سنڌ دوستن جي گڏجاڻي جده شهر ۾ ٿي گذري ؛ گڏجاڻيءَ جي شروعات ٿي؛ منجهند 2 وڳي 1. ڊاڪٽر امان الله پهنور 2. نظر چانڊيو (پياسي) 3. نثار احمد ابڙو 4. غلام نبي ڪورائي 5. دلي جان اڄڻ 6. دانش لطيف تيوڻو 7. حسن صغير جتوئي 8. وفا يامين لغاري 9. حجازي اسد چانڊيو 10. سجاد علي تيوڻو مٿئين گڏجاڻيءَ ۾ سڀني سنڌ سڄڻن ان ڳالهه تي اتفاق ڪيو ته سعودي عرب ۾ رهندڙ سنڌين لاءِ هڪ سماجي تنظيم جو بنياد وڌو وڃي، جيڪا سعودي عرب جي سنڌين سميت سنڌ جي سماجي/علمي واڌاري لاءِ پاڻ پتوڙي ؛ سڀني دوستن جي راءِ سان تنظيم جي هيٺ ڄاڻايل نالي تي اتفاق ڪيو ويو. ________________________________________ سنڌي سماجي سنگت (سعودي عرب) Sindhi Samaji Sangat (Saudi Arab) ________________________________________ فڪر يا نظريو؛ سنڌين جي سماجي/علمي حيثيت کي دنيا جي ترقي يافته قومن جي برابر آڻڻ، سعودي عرب ۾ رهندڙ سنڌين کي سنڌ ڌارا ۾ شامل ڪري سنڌين جي فلاحي رفاحي ڪمن ۾ شامل ڪرڻ. ________________________________________ منشور؛ 1. تعليم ۽ تربيت جي واڌ ويجهه۾ ساهتا ڪرڻ 2. صحت جي مسئلن ۾ ساهتا ڪرڻ 3. سعودي عرب ۾ نون آيل دوستن جي روزگار جي حاصلات ۾ ساهتا ڪرڻ 4. سماجي/ادبي ۽ ثقافتي گڏجاڻيون ڪرائڻ 5. سعودي عرب ۾ رهندڙ دوستن جي هنگامي ساهتا ڪرڻ (منشور جي فهرست وڌاءَ جوڳي رهندي) ________________________________________ سمورن دوستن تنظيم جي هلائڻ لاءِ هيٺين دوستن جي ايڊهاڪ ڪاميٽيءَ تي اتفاق ڪندي چيو ته هنن دوستن جي اولين ذميواري هوندي ته تنظيم جو ڍانچو/مول متا/آئين تيار ڪندا ۽ تنظيم جي واڌ ويجهه لاءِ بنيادي ڪردار ادا ڪري پاڻ ملهائيندا. 1. ڊاڪٽر امان الله پهنور 2. نظر چانڊيو (پياسي) 3. نثار احمد ابڙو 4. غلام نبي ڪورائي 5. دلي جان اڄڻ 6. عرفان مخدوم 7. انيس رحمان سهتو 8. بشير شيخ 9. سارنگ شيخ (ڪاميٽيءَ جي نالن جي فهرست گهٽ وڌاءَ جوڳي رهندي) ________________________________________ گڏجاڻي جي پڄاڻي ٿي؛ شام 4.30 وڳي.
اوهان جي پاران اڪثر ڪتب ايندڙ مهاورو ”وڌي واڙي لڳي ڀاڳ“ اوهان تي ئي اڄ ٺهڪي ٿو اچي۔ سندم جنم سعودي ۾ ٿيو۔ زندگي جو پهريون نؤ بهارون سعودي عرب جي علائقي شداد ۾ ڏٺيون سو هُتي سنڌي سماجي سنگت جُڙڻ جي خوشي مون کي ته ٻين کان سوائي آهي۔ ادا نثارابڙو صاحب پاڻ وارن سؤٽن (السندي) کي به انهي جي اعزازي ميمبرس طور رکو۔ سؤٽاڻا فرض نڀائيندي هو متان ڪُجهه عملي ۽ سهائتا وارو ڪم ڪري وِجهن۔
تمام سُٺي ڪوشش۔۔۔اُميد ته ٻاهرين ملڪن ۾ رهندڙ سنڌين جي بهتري لا سنڌي سماجي سنگت پنهنجو پاڻ ملهائيندي۔۔۔
ڪنهن اهڙي سنگت يا جماعت جو پرديس ۾ رهي ڪري ديس وارن جو انتظار ۽ انهن جي سهائتا جا ڪم ڪرڻ يقينن ڀلو ۽ نيڪيءَ جو ڪم آهي۔۔ پڙهي خوشي ٿي۔۔ هڪ ڳالهه جو الڪو به آهي ۔۔ جي تسلي ملي ته هوندر ڀلو۔۔۔ جيتوڻيڪ اعلانيل سماجي سنگت جو ڪنهن سياست يا ملڪي قانون جي برخلاف ڪوبه ڪم نه آهي پر هتي سنڌ ۾ اڪثر ٻڌو ويو آهي ته سعودي حڪومت هميشه جماعتن يا ميڙاڪن کي ننديو آهي۔۔ ان ڪري جيڪو به ڪم ڪجي ملڪ جي قانون جي حدن ۾ رهي ڪري ڪجي۔۔
تمام سٺو ڪم ۔۔۔ اها سنگت آهي جيڪا سوشل ميڊيا ذريعي سنڌ جي مسئلن تي پنهنجو آواز اٿاريندي رهي ٿي۔ سڄي سنگت کي واڌايون ان اميد سان ته هي دوست پرديس ۾ گڏجي سنڌي ماڻهن جو ڀر جهلو ٿيندا۔۔۔ واڌايون ۔۔۔
