پرھ جا پيغام - نثري نظم

[غريب گل]

الائي ته ڇاکان
اوهان جي پڄاڻان
اسان جي من جون
اداس گليون
۽ دل جا سمورا هي ويران رستا
۽ ڀٽڪيل اسان جا
اهي خواب سارا
سجاياسين جيڪي
اوهان لاءِ پل پل
سي ساڀيان ٿيڻ کان
اڳي ئي او سائين
ڪي ته اڏري ويا
ڪي ته وکري ويا
سي نه ميڙي سگهياسين
ٽُٽِي جي پيا ها
اهي خواب سارا
سجاياسين جيڪي
اوهان لاءِ پل پل سي
ساڀيان بنائڻ کان اڳ ۾ او ساٿي
ڪنهن اڄاتل سفر جي
ڪئيسين تياري
اسان کي اوهان کان
نه شڪوه شڪايت
اسان ئي رهياسين
اوهان جا مياري
نه ويهي سگهو جي اسان جي پٿر تي
نه روئي سگهو جي اسان جي قبر تي
مگر منٿ پوءِ ٿي مڃو جي !
ته مرڪي اسان کي ڪجو الوداع
بس
مرڪي اسان کي ڪجو الوداع

 

[مست]

جواب: پرھ جا پيغام - نثري نظم

بهترين ونڊ آهي ادا غريب۔۔۔